അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വയറുനിറയെ ചോറുണ്ണാൻ ഉള്ളി സാമ്പാർ ഉണ്ടാക്കിയാലോ? വളരെ രുചികരമായി എളുപ്പത്തിൽ തയ്യാറാക്കാവുന്ന ഒരു സാംബാർ റെസിപ്പി.
ആവശ്യമായ ചേരുവകൾ
- 1.തുവരപരിപ്പ് – ഒരു കപ്പ്
- വെള്ളം – പാകത്തിന്
- വറ്റൽമുളക് – ഒന്ന്
- 2.വെളിച്ചെണ്ണ– ഒരു വലിയ സ്പൂൺ
- 3.ഇഞ്ചി, പൊടിയായി അരിഞ്ഞത് – അര ചെറിയ സ്പൂൺ
- 4.പച്ചമുളക് – നാല്
- ചുവന്നുള്ളി – ഒരു കപ്പ്
- ശർക്കര – ഒരു ചെറിയ സ്പൂൺ
- 5.തക്കാളി – ഒന്ന്
- 6.മഞ്ഞള്‍പ്പൊടി – അര ചെറിയ സ്പൂൺ
- സാമ്പാർ പൊടി – രണ്ടര ചെറിയ സ്പൂൺ
- 7.പുളി – ഒരു നെല്ലിക്ക വലുപ്പത്തിൽ, ഒന്നര കപ്പ് വെള്ളത്തിൽ കുതിർത്തത്
- ഉപ്പ് – പാകത്തിന്
- 8.വെളിച്ചെണ്ണ – രണ്ടു ചെറിയ സ്പൂൺ
- കടുക് – ഒരു ചെറിയ സ്പൂൺ
- ഉലുവ – അര ചെറിയ സ്പൂൺ
- ജീരകം– ഒരു ചെറിയ സ്പൂൺ
- വറ്റൽമുളക് – മൂന്ന്
- കറിവേപ്പില – രണ്ടു തണ്ട്
തയ്യാറാക്കുന്ന വിധം
ഒന്നാമത്തെ ചേരുവ യോജിപ്പിച്ച് പ്രഷര്‍ കുക്കറിൽ വേവിച്ചു മാറ്റി വയ്ക്കുക. പാനിൽ എണ്ണ ചൂടാക്കി ഇഞ്ചി ചേർത്തു വഴറ്റുക. പച്ചമണം മാറുമ്പോള്‍ നാലാമത്തെ ചേരുവ ചേർത്തു നന്നായി വഴറ്റുക. ചുവന്നുള്ളിയുടെ നിറം മാറി വരുമ്പോൾ തക്കാളി ചേർത്തു വഴറ്റുക. ഒരുപാട് വഴന്നു പോകരുത്. ഇതിലേക്ക് ആറാമത്തെ ചേരുവകൾ ചേർത്തു വഴറ്റണം. പച്ചമണം മാറുമ്പോൾ പുളിവെള്ളവും പാകത്തിന് ഉപ്പും ചേർത്തു തിളപ്പിക്കുക. വേവിച്ചു വച്ചിരിക്കുന്ന പരിപ്പും ചേർത്ത് ഒന്നു കൂടി തിളപ്പിക്കുക. ആവശ്യമെങ്കിൽ കൂടുതൽ വെള്ളം ചേർക്കാം. എട്ടാമത്തെ ചേരുവ താളിച്ച് സാമ്പാറിൽ ഒഴിച്ചു വിളമ്പാം.
