മൂന്ന് ചേരുവകള്‍ വെച്ച് രുചിയൂറും കേസരി തയ്യാറാക്കിയാലോ?

ആഹാരത്തിന് ശേഷം അലപം മധുരം കഴിച്ചാലോ? കിടിലൻ സ്വാദിൽ തയ്യാറാക്കാം കേസരി. എങ്ങനെ തയ്യാറാക്കാമെന്ന് നോക്കിയാലോ?

ആവശ്യമായ ചേരുവകൾ

• റവ – ഒരു കപ്പ്
• ഏലയ്ക്കാ പൊടിച്ചത് – ഒരു ടീസ്പൂൺ
• നെയ്യ് – കാൽ കപ്പ്
• പഞ്ചസാര – ഒന്നര കപ്പ്
• കശുവണ്ടി, മുന്തിരി – ആവശ്യത്തിന്

തയ്യാറാക്കുന്ന വിധം

പാനിലേക്ക് കാൽക്കപ്പ് നെയ്യ് ഒഴിച്ചു കൊടുക്കുക. അതിലേക്ക് കശുവണ്ടി, മുന്തിരി എന്നിവ ചേർത്ത് നന്നായി ഒന്ന് മൂപ്പിച്ചെടുത്ത് മാറ്റിവയ്ക്കുക. അതിലേക്ക് ഒരു കപ്പ് റവ ചേർത്ത് ചെറുതായി മൂത്തുവരുമ്പോൾ നന്നായി തിളച്ച വെള്ളം രണ്ട് കപ്പ് ചേർത്ത് ചെറുതീയിൽ ഒന്ന് വേവിച്ചെടുക്കാം. ഇനി ഇതിലേക്ക് ഒന്നര കപ്പ് പഞ്ചസാര ചേർത്ത് നന്നായി ഇളക്കി കൊടുക്കാം. ഒരു സ്പൂൺ ഏലയ്ക്കാ പൊടിച്ചത് കൂടി ചേർക്കാം. ഇനി ഇതിലേക്ക് വറത്തു വച്ചിരിക്കുന്ന കശുവണ്ടി, മുന്തിരി എന്നിവ കൂടി ചേർത്ത് വിളമ്പാം.