അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.എന്നും ഒരേ ഭക്ഷണം കഴിക്കുമ്പോൾ മടുപ്പ് തോന്നും അല്ലെ, ബ്രേക്ഫാസ്റ്റിന് എന്നും ദോശയാണോ? എങ്കിൽ ഇന്നല്പം വെറൈറ്റി പിടിച്ചാലോ? വളരെ എളുപ്പത്തിൽ രുചികരമായി തയ്യാറാക്കാവുന്ന നെയ്റോസ്റ്റ് റെസിപ്പി നോക്കാം.
ആവശ്യമായ ചേരുവകൾ
- പച്ചരി 2 കപ്പ്
- ഉഴുന്ന് 1/4 കപ്പ്
- ഉലുവ 1/4 സ്പൂണ്‍
- ചൗ അരി 1/4 കപ്പ്
- ഉപ്പ് 1 സ്പൂണ്‍
- വെള്ളം 2 ഗ്ലാസ്
തയ്യാറാക്കുന്ന വിധം
രണ്ട് ഗ്ലാസ് അരി, ഒപ്പം കാല്‍ ഗ്ലാസ് ഉഴുന്ന്, കാല്‍ ഗ്ലാസ് ചൗഅരി, കാല്‍ സ്പൂണ്‍ ഉലുവ എന്നിവ നന്നായി കഴുകി അതിലേക്ക് ആവശ്യത്തിന് വെള്ളം വച്ചു കുതിരാന്‍ ആയി മാറ്റി വയ്ക്കുക. എല്ലാം നന്നായി കുതിര്‍ന്നു കഴിഞ്ഞാല്‍, ഒട്ടും തരിയില്ലാതെ അരച്ച് എടുക്കുക. അരച്ച ശേഷം മാവ് നന്നായി കുഴച്ചെടുക്കുക. ശേഷം മാവ് അടച്ചു വയ്ക്കുക. 8 മണിക്കൂര്‍ കഴിയുമ്പോള്‍ മാവ് നന്നായി പുളിച്ചു പൊങ്ങി വന്നിട്ടുണ്ടാകും. ഈ സമയത്തു ഉപ്പ് കൂടി ചേര്‍ത്ത് കൊടുക്കാം. ദോശ കല്ല് ചൂടാകുമ്പോള്‍ മാവ് ഒഴിച്ച് പരത്തി നല്ലെണ്ണയോ, നെയ്യോ ഒഴിച്ച് രണ്ട് വശവും നന്നായി മൊരിയുമ്പോള്‍ എടുക്കാവുന്നതാണ്.
