അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അനധികൃത വില്പനയ്‌ക്കെത്തിച്ച പത്തര ലിറ്റർ ഇന്ത്യൻ നിർമിത വിദേശ മദ്യവുമായി യുവാവ് പിടിയിൽ. ചേർത്തല തെക്ക് പഞ്ചായത്ത് അർത്തുങ്കൽ കൊല്ലാറ വീട്ടിൽ സൈമൺ (39) ആണ് അറസ്റ്റിലായത്. രണ്ടു ബാഗുകളിലായി സൂക്ഷിച്ചിരുന്ന 21 മദ്യ കുപ്പികളാണ് പരിശോധനയിൽ കണ്ടെത്തിയത്. അർത്തുങ്കൽ പള്ളി ബീച്ച് റോഡിൽ കുരിശടിക്ക് സമീപത്ത് വച്ചാണ് ഇയാൾ അറസ്റ്റിലായത്. ബൈക്കിൽ സഞ്ചരിച്ച ഇയാളെ സംശയം തോന്നി പരിശോധിച്ചപ്പോൾ തോളിൽ കിടന്ന ബാഗിൽ നിന്നും 15 കുപ്പികളിലായി സൂക്ഷിച്ചിരുന്ന 7.5 ലിറ്റർ മദ്യവും ബൈക്കിന് പിന്നിൽ തൂക്കിയിട്ടിരുന്ന മറ്റൊരു ബാഗിൽ 6 പ്ലാസ്റ്റിക് കുപ്പികളിലായി 3 ലിറ്റർ മദ്യവും കണ്ടെത്തി. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
അർത്തുങ്കൽ പെരുന്നാൾ കാലയളവിൽ അനധികൃത മദ്യ വില്പനയും മറ്റും തടയുന്നതിനായി ചേർത്തല അസിസ്റ്റന്റ് പൊലീസ് സൂപ്രണ്ട് ഹരീഷ് ജയിനിന്റെ നിര്‍ദേശ പ്രകാരം ശക്തമായ പരിശോധനയാണ് പൊലീസ് നടത്തി വരുന്നത്.
