അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വിറ്റാമിന്‍ സിയുടെ കലവറയാണ് നെല്ലിക്കയും നാരങ്ങയും. അതിനാല്‍ ഇവ രണ്ടും രോഗ പ്രതിരോധശേഷി കൂട്ടാന്‍ സഹായിക്കും. എങ്കില്‍ പിന്നെ ഇവ ഉപയോഗിച്ച് കൊണ്ടൊരു കിടിലന്‍ ജ്യൂസ് തയ്യാറാക്കിയാലോ?
വേണ്ട ചേരുവകൾ
ചെറുനാരങ്ങ നീര് – 2 എണ്ണം
കറിവേപ്പില – 2 പിടി
നെല്ലിക്ക- 3 എണ്ണം
കാന്താരിമുളക് – 4 എണ്ണം
ഏലയ്ക്ക – 2 എണ്ണം
വെള്ളം – നാലര ഗ്ലാസ്സ്
ഉപ്പ് – ആവശ്യത്തിന്
തയ്യാറാക്കുന്ന വിധം
ഒരു ഗ്ലാസ്സ് വെള്ളത്തിൽ ( 200 ml) മേല്‍പ്പറഞ്ഞ എല്ലാ ചേരുവകളും നന്നായി അരച്ചെടുക്കുക. ഇനി ഇത് നല്ലതുപോലെ അരിച്ചെടുത്ത്, ബാക്കിയുള്ള വെള്ളവും ചേർത്ത് ഒരിയ്ക്കൽക്കൂടി അടിച്ചെടുക്കുക. ശേഷം നാല് ഗ്ലാസ്സിലായി ഒഴിച്ച് കുടിക്കാം. നല്ലൊരു ദാഹശമിനിയും ആരോഗ്യത്തിന് വളരെ ഗുണകരവുമായ ഒന്നാണ് ഈ നാരങ്ങ പച്ച പാനീയം.
content highlight: how-to-prepare-lemon-amla-juice-recipe
