അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഒരുപാട് ഗുണങ്ങൾ അടങ്ങിയതാണ് പച്ചപപ്പായ. പപ്പായ ഇതുപോലെ കറി വയ്ക്കുകയാണെങ്കിൽ ഇഷ്ടമില്ലാത്തവരും കഴിച്ചു പോകും. വെറൈറ്റി ഐറ്റം വീട്ടിൽ തന്നെ തയ്യാറാക്കാം.
ചേരുവകൾ
- പപ്പായ – 500 ഗ്രാം
- മുളകുപൊടി – 1/2 ടീസ്പൂൺ
- മഞ്ഞൾപ്പൊടി – 1/2 ടീസ്പൂൺ
- ഉപ്പ് പാകത്തിന്
- വെളിച്ചെണ്ണ – 1 ടീസ്പൂൺ
- കറിവേപ്പില – 1 തണ്ട്
- വെളിച്ചെണ്ണ – 4 ടേബിൾസ്പൂൺ
- കറുവപ്പട്ട – 2 ചെറുത്
- ചെറിയ ഉള്ളി – 25 മുതൽ 30 വരെ
- ഇഞ്ചി അരിഞ്ഞത് – 1/4 കപ്പ്
- വെളുത്തുള്ളി അരിഞ്ഞത് – 1/4 കപ്പ്
- പച്ചമുളക് – 2
അരപ്പിന് ആവശ്യമായ ചേരുവകൾ
- തേങ്ങ ചിരകിയത് – 1 കപ്പ്
- ചെറിയ ഉള്ളി – 4
- ഉപ്പ് പാകത്തിന്
- ജീരകം – 1/4 ടീസ്പൂൺ
താളിക്കാൻ ആവശ്യമായവ
- വെളിച്ചെണ്ണ – 3 ടേബിൾസ്പൂൺ
- കടുക് – 1 ടീസ്പൂൺ
- ഉണക്കമുളക് – 3
- ചെറിയ ഉള്ളി അരിഞ്ഞത് – 1/2 കപ്പ്
- കറിവേപ്പില – കുറച്ച്
തയ്യാറാക്കുന്ന വിധം
ആദ്യം പപ്പായ ഇടത്തരം കഷ്ണങ്ങൾ ആക്കി മുറിച്ചതിന് ശേഷം മുളകുപൊടി, മഞ്ഞൾപ്പൊടി,വെളിച്ചെണ്ണ, കുറച്ച് കറിവേപ്പില ആവശ്യത്തിന് ഉപ്പും ചേർത്ത് നന്നായി യോജിപ്പിച്ച് വെക്കുക.
ശേഷം ഒരു പാനിലേക്ക് വെളിച്ചെണ്ണ ചേർത്ത് ഇതിലേക്ക് ഒരു കഷണം കറുവപ്പട്ട, ചെറിയ ഉള്ളി, പച്ചമുളക്, അരിഞ്ഞ ഇഞ്ചി, വെളുത്തുള്ളി എന്നിവ ചേർത്ത് കൊടുത്ത് നല്ല ഗോൾഡൻ നിറമാകുന്നത് വരെ വഴറ്റിയെടുക്കുക. ശേഷം ഇതിലേക്ക് മല്ലിപ്പൊടി, കാശ്മീരി ചില്ലി മുളക് പൊടി, മഞ്ഞൾ പൊടിയും ചേർത്തു മിക്സ് ചെയ്തതിനു ശേഷം അറിഞ്ഞെടുത്ത തക്കാളി കൂടെ ചേർത്ത് കൊടുക്കാം. തക്കാളി നല്ല സോഫ്റ്റ് ആയി വന്നാൽ നേരത്തെ പുരട്ടി വച്ചിരിക്കുന്ന പപ്പായ ചേർക്കാം. എല്ലാം നല്ലതുപോലെ ഇളക്കി യോജിപ്പിക്കുക. ഇതിലേക്ക് അര കപ്പ് വെള്ളം ഒഴിച്ച് നന്നായി വേവിക്കുക.
ശേഷം മിക്സിയുടെ ചെറിയ ജാറിലേക്ക് തേങ്ങ ചിരകിയതും, ചെറിയ ഉള്ളിയും ജീരകവും പാകത്തിന് ഉപ്പും ആവശ്യത്തിന് വെള്ളം ചേർത്ത് നന്നായി അരച്ചെടുക്കുക. പപ്പായ നന്നായി വെന്ത ശേഷം ഈ തേങ്ങാ അരപ്പ് കൂടി ചേർത്ത് നന്നായി ഇളക്കി യോജിപ്പിച്ചു തിളപ്പിച്ച് തീ ഓഫ് ചെയ്യാം.
രു ചെറിയ പാനിൽ എണ്ണ ചൂടാക്കിയതിനുശേഷം കടുകും, ചെറിയുള്ളി പൊടിയായി അരിഞ്ഞതും, കറിവേപ്പില, ഉണക്കമുളക് എന്നിവയും ചേർത്ത് നന്നായി മൂപ്പിച്ച് കറിയിലേക്ക് താളിച്ചൊഴിക്കാം. കറി റെഡി.
STORY HIGHLIGHT: papaya curry
