അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തൃശ്ശൂർ: വടക്കാഞ്ചേരിയിൽ ഡോക്ടറെ കണ്ട് മടങ്ങുകയായിരുന്ന യുവതി കാൽനടപ്പാതയുടെ സ്ലാബ് തകർന്ന് കാനയിലേക്ക് വീണു. ഇന്ന് വൈകിട്ട് മൂന്ന് മണിയോടെയായിരുന്നു അപകടം നടന്നത്. പൈങ്കുളം സ്വദേശിയായ ആര്യയാണ് അപകടത്തിൽപ്പെട്ടത്. വടക്കാഞ്ചേരിയിലുള്ള ഡോക്ടർ ശ്രീനിവാസന്റെ വസതിയിലെത്തി മടങ്ങുന്നതിനിടെയാണ് റോഡരികിലെ കാൽ നടപ്പാതയുടെ സ്ലാബ് തകർന്ന് യുവതി ഓടയിലേക്ക് പതിച്ചത്. കാലിന് പരിക്കേറ്റ യുവതിയെ ഓടിക്കൂടിയ നാട്ടുകാരുടെ നേതൃത്വത്തിൽ ആശുപത്രിയിൽ പ്രവേശിപ്പിച്ചു. ആറ് മാസം മുൻപും ഇതേ സ്ഥലത്ത് സമാനമായ മറ്റൊരു അപകടത്തിൽ ഒരാൾക്ക് പരുക്കേറ്റിരുന്നു.
content highlight: young-woman-injured-in-accident
