അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വാഹന വിപണിയിൽ 25 വർഷം പൂർത്തിയാക്കുന്ന വേളയിൽ വമ്പൻ നേട്ടവുമായി നിപ്പോൺ ടൊയോട്ട. 2024ൽ ഇന്ത്യയിൽ തന്നെ ഏറ്റവും കൂടുതൽ വിൽപ്പന നേടിക്കൊടുത്ത ഡീലർ എന്ന നേട്ടം സ്വന്തമാക്കി കേരളം ആസ്ഥാനമായ ‘നിപ്പോൺ ടൊയോട്ട’. ഇന്ത്യയിൽ ടൊയോട്ട കിർലോസ്കർ മോട്ടോഴ്സിന്റെ ഏറ്റവും ഉയർന്ന വിൽപ്പന കൈവരിച്ച ഡീലറിനുള്ള പുരസ്കാരമാണ് സ്വന്തമാക്കിയത്. ടൊയോട്ട കിർലോസ്കർ മോട്ടോഴ്സിന്റെ വൈസ് പ്രസിഡന്റുമാരായ തകേഷി തകമിയ, വൈസ്ലൈൻ സിംഗമണി എന്നിവരിൽനിന്ന് നിപ്പോൺ ടൊയോട്ട ചെയർമാൻ എം.എ.എം. ബാബു മൂപ്പൻ പുരസ്കാരം ഏറ്റുവാങ്ങി.
നിപ്പോൺ ടൊയോട്ടയുടെ സി.ഒ.ഒ. എൽദോ ബെഞ്ചമിൻ, ടൊയോട്ട കിർലോസ്കർ മോട്ടോഴ്സ് ജനറൽ മാനേജർമാരായ എം. യൂസഫ്, മഹാരാജ് മുഖർജി എന്നിവരും ചടങ്ങിൽ പങ്കെടുത്തു. കേരളത്തിലെ ആദ്യത്തെ ടൊയോട്ട ഡീലറായി 2000-ൽ സ്ഥാപിതമായ നിപ്പോൺ ടൊയോട്ടയ്ക്ക് ഇന്ന് തൃശ്ശൂർ മുതൽ തിരുവനന്തപുരം വരെയായി 34 ഔട്ട്ലെറ്റുകളുണ്ട്.
