മഹേഷിന്‍റെ പ്രതികാരത്തിലെ ഒരു ഹിറ്റ് ഡയലോഗ് ആയിരുന്നു കമോണ്‍ഡ്രാ മഹേഷേ എന്നത്. ഇപ്പോഴിതാ അതില്‍ നിന്ന് പ്രചോദനം ഉള്‍ക്കൊണ്ട ഒരു ടൈറ്റിലുമായി ഒരു മലയാള ചിത്രം എത്തുകയാണ്. വ്യത്യസ്ത പേരിട്ടിരിക്കുന്ന ‘കമോണ്‍ഡ്രാ എലിയന്‍’ എന്ന ചിത്രം സംവിധാനം ചെയ്യുന്നത് നന്ദകുമാര്‍ ആണ്. സിനിമയുടെ ചിത്രീകരണം ഏറ്റുമാനൂരില്‍ ആരംഭിച്ചു.
നന്ദകുമാര്‍ ഫിലിംസിന്‍റെ ബാനറില്‍ സംവിധായകന്‍ തന്നെ നിർമിക്കുന്ന ചിത്രത്തിൽ പുതുമുഖങ്ങൾക്കാണ് പ്രാധാന്യം നല്‍കുന്നത്. അമേരിക്ക, കേരളം, ബെംഗളൂരു എന്നിടങ്ങളിലായി ചിത്രീകരണം പൂർത്തിയാക്കും. അന്യഗ്രഹ ജീവികളുടെ കഥ പറയുന്ന ഈ സിനിമയിൽ എന്തുകൊണ്ട് ഭൂമിയെ തേടി അന്യഗ്രഹ ജീവികൾ വരുന്നുയെന്നതും ഇവിടെ എത്തുന്ന അവരെ മലയാളികൾ എങ്ങനെ കൈകാര്യം ചെയ്യുന്നു എന്നുള്ളതും നർമ്മത്തിൽ ചാലിച്ച് ദൃശ്യവൽക്കരിക്കുന്നു.
STORY HIGHLIGHT: comeondra alien malayalam movie starts