അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കോഴിക്കോട്: ദേശീയ പാതയിലെ കുഴിയിൽ വീണ സ്കൂട്ടർ മറിഞ്ഞ് വയോധികന് പരിക്ക്. ദേശീയ പാത 766ൽ താമശ്ശേരി ചുങ്കം കെ.എസ്.ഇ.ബി ഓഫീസിന് സമീപം റോഡിൽ രൂപപ്പെട്ട കൂറ്റൻ വിള്ളലിൽ സ്കൂട്ടർ ചാടി അപകടത്തിൽ പെടുകയായിരുന്നു. അടിവാരം വള്ളിയാട് സ്വദേശിയായ അമ്മദ് കോയക്കാണ് (74) സാരമായി പരിക്കേറ്റത്.
അടിവാരത്തു നിന്നും നരിക്കുനിയിലേക്ക് പോകുമ്പോഴാണ് അമ്മദ് കോയ അപകടത്തിൽപ്പെട്ടത്. റോഡിന്റെ പാതി ഭാഗത്ത് വിള്ളൽ രൂപപ്പെട്ടിട്ട് മാസങ്ങൾ പിന്നിട്ടെങ്കിലും കുഴിയടക്കാൻ യാതൊരു നടപടിയും അധികൃതർ ഇതുവരെ സ്വീകരിച്ചിട്ടില്ലെന്ന് നാട്ടുകാർ പറയുന്നു. ദിവസേന നിരവധി ഇരുചക്ര വാഹനങ്ങളാണ് ഇവിടെ അപകടത്തിൽപ്പെടുന്നത്.
content highlight : man-injured-after-his-scooter-overturned-after-falling-in-pothole-on-road
