തട്ടുകട സ്റ്റൈലിൽ മൊരിഞ്ഞ പഴംപൊരി, ഇതാ റെസിപ്പി
ചേരുവകൾ
- മൈദ- 1 കപ്പ്
- അരിപ്പൊടി- 2 ടേബിൾസ്പൂൺ
- പഞ്ചസാര- 2 ടേബിൾസ്പൂൺ
- യീസ്റ്റ്- 1/2 ടീസ്പൂൺ
- വെള്ളം- 3/4 കപ്പ്
- നേന്ത്രപ്പഴം- 3
- മഞ്ഞൾപ്പൊടി- 1/4 ടീസ്പൂൺ
- ഉപ്പ്- 1/2 ടീസ്പൂൺ
- സൺഫ്ലവർ ഓയിൽ- ആവശ്യത്തിന്
തയ്യാറാക്കുന്ന വിധം
- ഒരു ബൗളിലേയ്ക്ക് ഒരു കപ്പ് മൈദ, രണ്ട് ടേബിസ്പൂൺ അരിപ്പൊടി, രണ്ട് ടേബിൾസ്പൂൺ പഞ്ചസാര, അര ടീസ്പൂൺ യീസ്റ്റ് എന്നിവയെടുത്ത് മുക്കാൽ കപ്പ് വെള്ളം കൂടി ഒഴിച്ചിളക്കി മാറ്റി വെയ്ക്കുക.
- നന്നായി പഴുത്ത മൂന്ന് നേന്ത്രപ്പഴം നടുവെ കീറിയെടുക്കുക.
- മാറ്റി വെച്ചിരിക്കുന്ന മാവിലേയ്ക്ക് അൽപ്പം ഉപ്പ് കൂടി ചേർത്തിളക്കുക.
- ഒരു പാൻ അടുപ്പിൽ വെച്ച് വറുക്കാൻ ആവശ്യമായ സൺഫ്ലവർ ഓയിൽ ചേർത്ത് ചൂടാക്കുക.
- മുറിച്ചു വെച്ചിരിക്കുന്ന പഴ കഷ്ണങ്ങൾ മാറ്റി വെച്ചിരിക്കുന്ന മാവിൽ മുക്കി എണ്ണയിൽ വറുത്തെടുക്കുക. ചൂടോടെ കഴിച്ചു നോക്കൂ.
content highlight: crispy-pazham-pori-banana