അരി 8-9 മണിക്കൂര്‍ വരെ വെള്ളത്തിൽ കുതിർക്കുക. പിന്നീട് നല്ലതുപോലെ കഴുകിപ്പൊടിച്ചെടുക്കണം.
അരി പൊടിക്കുമ്പോള്‍ തരി അധികം ഇല്ലാതെ വേണം പൊടിച്ചെടുക്കാൻ.
ഒരു കപ്പ് തരി കാച്ചിയത് ഇതിലേക്ക് ചേര്‍ക്കണം. അതിന് ശേഷം ഒരു ഗ്ലാസ്സ്
അരിപ്പൊടിയില്‍ ഒരു ഗ്ലാസ്സ് വെള്ളം ചേര്‍ത്ത് മാവ് തയ്യാറാക്കി ഇതിലേക്ക് ചേര്‍ക്കണം.
നല്ലതുപോലെ ഇളക്കി മിക്‌സ് ചെയ്ത് അതിലേക്ക് അല്‍പം വെളിച്ചെണ്ണ തൂവി മാവ് പരുവത്തിലാക്കി 9 മണിക്കൂറോളം അടച്ച് വെക്കണം.
ശേഷം, അൽപ്പം ഉപ്പും പഞ്ചസാരയും പെരുംജീരകവും ചേര്‍ത്ത് നല്ലതുപോലെ മിക്‌സ് ചെയ്യുക.
അവസാനമായി ഇതിലേക്ക് തേങ്ങാപ്പാല്‍ കൂടി ചേർക്കുക. ഒരു കപ്പ് തേങ്ങാപ്പാല്‍ ചേര്‍ത്ത് നല്ലതുപോലെ മിക്‌സ് ചെയ്ത് മാവ് പരുവത്തില്‍ ആക്കുക. മാവിന് കട്ടി കൂടുതലാണെന്നു തോന്നിയാൽ അൽപപം തേങ്ങാപ്പാൽ കൂടി ചേർത്ത് മാവ് ലൂസ് ആക്കിയെടുക്കുക. അൽപ്പസമയം കൂടി സെറ്റാവാൻ വെയ്ക്കാം.
ഒരു മണിക്കൂര്‍ കഴിഞ്ഞ് അപ്പച്ചട്ടിയില്‍ മാവ് ഒഴിച്ച് പാലപ്പം ചുട്ടെടുക്കാം. ചെറുതീയിൽ ചട്ടി അടച്ചുവേണം പാലപ്പം തയ്യാറാക്കാൻ.