അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.എന്നും ഒരുപോലുള്ള ദോശ കഴിച്ച് മടുത്തോ? എങ്കിൽ അല്പം വ്യത്യസ്തമായി ഒരു ദോശ ഉണ്ടാക്കിയാലോ? എളുപ്പത്തിൽ ഉണ്ടാക്കാവുന്ന റവ ദോശ റെസിപ്പി നോക്കാം.
ആവശ്യമായ ചേരുവകൾ
- റവ – 1 കപ്പ്
- ആട്ട – 1/4 കപ്പ്
- സവാള – 1 ഇടത്തരം
- പച്ചമുളക് – 2 എണ്ണം
- ഇഞ്ചി – ചെറിയ കഷ്ണം
- വറ്റൽ മുളക് – 2 എണ്ണം
- തൈര് – 1/2 കപ്പ്
- ഉപ്പ് – ആവശ്യത്തിന്
- വെള്ളം – 1 കപ്പ്
- മഞ്ഞൾപ്പൊടി – 1 നുള്ള്
- സോഡാപ്പൊടി – 1/4 ടീസ്പൂൺ
- മല്ലിയില – ആവശ്യത്തിന്
തയാറാക്കുന്ന വിധം
ഒരു മിക്സിയുടെ ജാറിൽ റവ, ആട്ട, സവാള, പച്ചമുളക്, ഇഞ്ചി, തൈര്, ഉപ്പ് എന്നിവ ചേർത്ത് ആവശ്യത്തിന് വെള്ളം ഒഴിച്ച് അരച്ചെടുക്കണം, അരച്ചെടുത്ത മാവിൽ സോഡാപ്പൊടിയും മല്ലിയിലയും ചേർത്ത് ഇളക്കി ഒരു പാൻ ചൂടാക്കി ഓരോ തവി മാവ് ഒഴിച്ച് ദോശ ചുട്ടെടുക്കാം. റവ ദോശ തയാർ.
