പാലക്കാട് കഞ്ചിക്കോട്ട് സ്വകാര്യമദ്യക്കമ്പനിക്ക് അനുമതി നൽകിയ സർക്കാർ തീരുമാനത്തിന് എതിരെ വിമർശനം ശക്തമാവുകയാണ്. പ്ലാച്ചിമടയിലെ കൊക്കക്കോള കമ്പനിക്കെതിരെ സമരം നയിച്ചവർ മന്ത്രി പദത്തിൽ എത്തിയപ്പോൾ ജനങ്ങളെ മറക്കുന്നു കമ്പനിയുടെ ജലചൂഷണതിരെ സമരം നയിച്ചവരാണ് മന്ത്രി എം.ബി.രാജേഷും കൃഷ്ണൻകുട്ടിയും എന്നാൽ മന്ത്രി പദത്തിൽ എത്തിയപ്പോൾ കർഷകരെയും ജനങ്ങളെയും മറന്നു ജലചൂഷണം നടത്തുന്ന മദ്യ കമ്പനി മുതലാളിമാർക്കൊപ്പം ആയിരിക്കുകയാണ് ഇവർ എന്ന് ബിജെപി നേതാവ് സി. കൃഷ്ണകുമാർ വിമർശിച്ചു. മന്ത്രി എം.ബി.രാജേഷ് ജൽ ജീവൻ പദ്ധതി അട്ടിമറിച്ചു എന്നും അദ്ദേഹം ആരോപിച്ചു.
സ്വന്തം പാർട്ടിക്കുള്ളിലും മുന്നണിക്കുള്ളിലും മദ്യ കമ്പനിക്ക് വെള്ളം എവിടെ നിന്നാണ് നൽകുന്നത് എന്ന് സംബന്ധിച്ച് ബോധ്യപ്പെടുത്താനും അവരെ വിശ്വാസത്തിൽ എടുക്കാനും തയ്യാറാകണം. സിപിഎം സംസ്ഥാന സെക്രട്ടറി പറയുന്നത് മഴവെള്ള സംഭരണിയിൽ നിന്നാണ് മദ്യ കമ്പനിക്ക് ആവശ്യത്തിനുള്ള വെള്ളം എടുക്കുക എന്നാണ്. മന്ത്രി പറയുന്നത് മലമ്പുഴ വെള്ളം ഉപയോഗിച്ചാണ് മദ്യ കമ്പനി പ്രവർത്തിക്കുക എന്നാണ്. ജനം ഏതാണ് വിശ്വസിക്കേണ്ടത് എന്ന് വ്യക്തമാക്കണം എന്നും അദ്ദേഹം പറഞ്ഞു. മുന്നണിയിലെ ഘടകകക്ഷിയായ സിപിഐയെ പോലും വിശ്വാസത്തിൽ എടുക്കാൻ മന്ത്രി രാജേഷിനു കഴിഞ്ഞിട്ടില്ല. സർക്കാരിന്റെ നടപടി ജനവിരുദ്ധമാണെന്ന് സിപിഐക്ക് ബോധ്യമായിട്ടുണ്ട് അനുമതി നൽകിയതിന് പിന്നിൽ ഉള്ള താല്പര്യം ബോധ്യപ്പെട്ടു എന്നുള്ളത് അവരുടെ നിലപാടിൽ നിന്നും വ്യക്തമായിരിക്കുകയാണ് എന്നും സി.കൃഷ്ണകുമാർ പറഞ്ഞു.