അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പ്രവാസികൾക്ക് ഏറെ പരിചയമുള്ള വിഭവമാണ് കുബ്ബൂസ് എന്ന അറബിക് റൊട്ടി. മൈദയും, ഉപ്പും, യീസ്റ്റുമാണ് കുബ്ബൂസിൻ്റെ മാവ് തയ്യാറാക്കാൻ ആവശ്യമായ ചേരുവകൾ. അതായത് ചപ്പാത്തി ഉണ്ടാക്കാനുള്ള മാവിലേയ്ക്ക് കുറച്ച് യീസ്റ്റ് ചേർക്കുന്നു എന്ന വ്യത്യാസം മാത്രം. കടയിൽ കിട്ടുന്നതിലും സോഫ്റ്റാക്കി വളരെ എളുപ്പത്തിൽ വീട്ടിൽ തന്നെ രുചികരമായി ഈ വിഭവം തയാറാക്കാം.
ചേരുവകൾ
ഗോതമ്പ് പൊടി – 3 കപ്പ്‌
വെള്ളം – 1/2 കപ്പ്‌
പഞ്ചസാര – 1 ടേബിൾ സ്പൂൺ
യീസ്റ്റ് – 1/2 ടേബിൾ സ്പൂൺ
ഉപ്പ് – 3/4 ടീ സ്പൂൺ
വെള്ളം – ആവശ്യത്തിന്
എണ്ണ – 1 ടേബിൾ സ്പൂൺ
തയ്യാറാക്കുന്ന വിധം
ഇളം ചൂടുവെള്ളത്തിൽ പഞ്ചസാരയും യീസ്റ്റും ചേർത്തു മാറ്റി വയ്ക്കാം. യീസ്റ്റ് പുളിച്ചു വന്നതിനു ശേഷം ഗോതമ്പ് പൊടിയിലേയ്ക്കു ചേർക്കാം. ആവശ്യത്തിന് ഉപ്പും വെള്ളവും ചേർത്തു മാവ് തയ്യാറാക്കാം. ചപ്പാത്തി മാവിനേക്കാളും സേഫ്റ്റായി അത് കുഴച്ചു വയ്ക്കാം. അതിലേയ്ക്ക് എണ്ണ കൂടി ചേർത്തു വീണ്ടും മയത്തിൽ കുഴയ്ക്കുക. കുറച്ചു എണ്ണ കൂടി പുരട്ടി രണ്ടു മണിക്കൂർ നേരം മാറ്റി വെയ്ക്കാം. ഇതിൽ നിന്നും കുറച്ച് മാവ് എടുത്ത് ചെറിയ ഉരുളകളാക്കാം. ചപ്പാത്തിയേക്കാൾ കട്ടിയിൽ ഉരുളകൾ പരത്താം. ഒരു പാൻ അടുപ്പിൽ വച്ച് പരത്തിയ മാവ് ചുട്ടെടുക്കാം. കുബ്ബൂസ് തയ്യാറായിരിക്കുന്നു.
