അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഉച്ചയ്ക്ക് ചോറ് ബാക്കി വന്നാൽ ഇനി വിഷമിക്കേണ്ട, കിടിലൻ സ്വാദിലൊരു സ്നാക്ക്സ് തയ്യാറാക്കാം. വളരെ എളുപ്പത്തിൽ രുചികരമായി തയ്യാറാക്കാവുന്ന വട റെസിപ്പി.
ആവശ്യമായ ചേരുവകള്‍
- ചോറ്- 1 കപ്പ്
- അരിപ്പൊടി
- സവാള-1
- പച്ചമുളക്-2 എണ്ണ
- മല്ലിയില
- ഇഞ്ചി
തയ്യാറാക്കുന്ന വിധം
ചോറ് മിക്‌സിയില്‍ അരച്ചെടുക്കുക. ഇതിലേക്ക് ഒരു നുള്ള് മഞ്ഞള്‍പൊടി, കശ്മീരി മുളകു പൊടി എന്നിവ കളറിനുവേണ്ടി ചേര്‍ക്കുക. ഇതിലേക്ക് ആവശ്യത്തിന് ഉപ്പും അരിഞ്ഞുവച്ചിട്ടുള്ള സവാള, പച്ചമുളക്, ഇഞ്ചി, മല്ലിയില എന്നിവ ചേര്‍ത്ത് നന്നായി ഇളക്കുക. ഇതിലേക്ക് അരിപ്പൊടി ചേര്‍ക്കുക. അര മണിക്കൂര്‍ ഇത് മാറ്റിവയ്ക്കുക. മാവില്‍നിന്നും കുറച്ചെടുത്ത് കയ്യില്‍ വച്ച് പരത്തി ചൂടായ എണ്ണയിലേക്ക് ഇടുക. നന്നായി വെന്തശേഷം എണ്ണയില്‍നിന്നും കോരി മാറ്റുക.
