അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഒരു സമയം കഴിഞ്ഞാല്‍ കല്യാണം കഴിക്കുന്നില്ലേ എന്ന ചോദ്യം ആണ് – പെണ്‍ ഭേധമന്യേ എല്ലാവരും നേരിടുന്ന ചോദ്യമാണ്. സെലിബ്രേറ്റികള്‍ ആവുമ്പോള്‍ പ്രത്യേകിച്ചും. കഴിഞ്ഞ കുറച്ച് കാലങ്ങളായി നടി അനുശ്രീ ഈ ചോദ്യം നേരിട്ടുകൊണ്ടിരിക്കുകയാണ്.
എപ്പോഴാണ് കല്യാണം, പ്രണയത്തിലാണോ എന്നൊക്കെയുള്ള ചോദ്യത്തിന് ഒരിക്കലും അനുശ്രീ കൃത്യമായ മറുപടി നല്‍കിയിരുന്നില്ല. ഇപ്പോഴിതാ താരത്തിന്റെ ഒരു ഇന്‍സ്റ്റഗ്രാം പോസ്റ്റ് സോഷ്യല്‍ മീഡിയ ശ്രദ്ധ നേടുന്നു.’സ്വയം സ്‌നേഹിക്കാനുള്ള ഏറ്റവും നല്ല മാര്‍ഗം, ഒറ്റയ്ക്ക് ജീവിക്കുക എന്നതാണ്’ എന്നാണ് അനുശ്രീയുടെ പോസ്റ്റ്. മനോഹരമായ ചിത്രങ്ങള്‍ക്കൊപ്പം പങ്കുവച്ച പോസ്റ്റിന് സ്നേഹം, ജീവിതം, ഓര്‍മകള്‍, ഒറ്റയ്ക്ക് എന്നൊക്കെയാണ് ഹാഷ് ടാഗുകള്‍ നല്‍കിയിരിക്കുന്നത്.
34 വയസ്സായി കല്യാണം കഴിക്കുന്നില്ലേ എന്ന് നിരന്തരം ചോദിച്ചുകൊണ്ടിരിയ്ക്കുന്നവര്‍ക്കുള്ള മറുപടിയാണോ ഈ പോസ്റ്റ് എന്നാണ് ആരാധകരുടെ ചോദ്യം.ഇതിനോടകം അനുശ്രീയെ ചുറ്റിപ്പറ്റി പല പ്രണയ ഗോസിപ്പുകളും വന്നിരുന്നു. അനുശ്രീ പ്രണയത്തിലായി എന്നും, ബ്രേക്കപ് ആയി എന്നും പാപ്പരാസികള്‍ തന്നെ പറഞ്ഞു പ്രചരിപ്പിച്ചു.
അതിനിടയില്‍ ഉണ്ണി മുകുന്ദനുമായുള്ള സൗഹൃദം പ്രണയമാണെന്ന വാര്‍ത്തയും വളരെ ശക്തമായിരുന്നു. രണ്ട് പേരുടെയും വിശ്വാസങ്ങളും ഒരുപോലെയാണെന്ന് ചൂണ്ടിക്കാണിച്ചായിരുന്നു ഗോസിപ്പുകള്‍. എന്നാല്‍ സൗഹൃദത്തിനപ്പുറം ഒന്നുമില്ല എന്ന് പലപ്പോഴും ഉണ്ണിയും അനുശ്രീയും തന്നെ വ്യക്തമാക്കിയതാണ്.
നാടന്‍ ലുക്കും, സാരി അഴകുമാണ് അനുശ്രീ എന്ന് പറയുമ്പോള്‍ ആരാധകര്‍ക്ക് ആദ്യം ഓര്‍മവരുന്നത്. സോഷ്യല്‍ മീഡിയയില്‍ നടി പങ്കുവയ്ക്കുന്ന ഫോട്ടോ എല്ലാം പട്ടന്ന് ശ്രദ്ധ നേടുന്നതും അതുകൊണ്ടാണ്. അതേ സമയം സാരിയിൽ അല്ലാതെ വെസ്റ്റേൺ ലുക്കിൽ അനുശ്രീ വന്നാലു ആരാധകർ സ്നേഹം അറിയിക്കാറുണ്ട്.
സിനിമകളുടെ കാര്യത്തില്‍ ഇപ്പോള്‍ വളരെ അധികം സെലക്ടീവാണ് അനുശ്രീ. കഥ ഇന്നുവരെ എന്ന ചിത്രമാണ് ഏറ്റവുമൊടുവില്‍ പുറത്തിറങ്ങിയത്. താര എന്ന ചിത്രത്തിന്റെ ഷൂട്ടിങ് നടി പൂര്‍ത്തിയാക്കി, ഇപ്പോള്‍ ചിത്രം പോസ്റ്റ് പ്രൊഡക്ഷന്‍ ഘട്ടത്തിലാണ്.
