അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കല്ല്യാണസദ്യയിലെ കാബേജ് തോരന് ഒരു പ്രത്യേക സ്വാദ് ആണല്ലേ, അത് എങ്ങനെയാണ് തയ്യാറാക്കുന്നത് എന്ന് നോക്കിയാലോ?
ആവശ്യമായ ചേരുവകള്‍
- കാബേജ് ചെറുതായി അരിഞ്ഞത്- ഒരു കപ്പ്
- ഉഴുന്നുപരിപ്പ്- ഒരു ടേബിള്‍സ്പൂണ്‍
- കടുക് -കാല്‍ ടീസ്പൂണ്‍
- വറ്റല്‍മുളക്- രണ്ടെണ്ണം
- വെളിച്ചെണ്ണ- രണ്ട് ടേബിള്‍ സ്പൂണ്‍
- കറിവേപ്പില- മൂന്ന് തണ്ട്
- തേങ്ങ- അരമുറി ചിരകിയത്
- മഞ്ഞപ്പൊടി- കാല്‍ ടീസ്പൂണ്‍
- മുളകുപൊടി -കാല്‍ ടീസ്പൂണ്‍
- വെളുത്തുള്ളി -നാല് അല്ലി
- ജീരകം- കാല്‍ ടീസ്പൂണ്‍
- ഉപ്പ്- ആവശ്യത്തിന്
തയ്യാറാക്കുന്ന വിധം
അടുപ്പില്‍ ഒരു പാന്‍ വെച്ചിട്ട് അതില്‍ എണ്ണ ഒഴിച്ച് ചൂടാകുമ്പോള്‍ കടുക്, വറ്റല്‍ മുളക്, കറിവേപ്പില, ഉഴുന്ന്, എന്നിവയിട്ട് ഇളക്കുക. മിക്സിയില്‍ തേങ്ങയും ജീരകവും മുളകുപൊടിയും വെളുത്തുള്ളിയും മഞ്ഞപ്പൊടിയും ഇട്ട് ക്രഷ് ചെയ്തെടുക്കുക. ശേഷം ഈ അരപ്പ് പാനിലേക്ക് ഒഴിച്ചു അഞ്ച് മിനിറ്റ് ചെറിയ തീയില്‍ ഇട്ട് ഇളക്കി എടുക്കുക. എന്നിട്ട് അതില്‍ കൂടി കാബേജ് അരിഞ്ഞതും കുറച്ചു കറിവേപ്പിലയും ഇട്ട് ചെറിയ സിമ്മില്‍ 10 മിനിറ്റ് വേവിക്കാന്‍ വെക്കുക. ശേഷം നല്ലതുപോലെ തോര്‍ത്തി എടുക്കുക.
