അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഷവർമ ഇഷ്ടപ്പെടാത്തവരായും കഴിക്കാത്തവരായും ആരും തന്നെ കാണില്ല. എന്നാൽ വളരെ എളുപ്പത്തിൽ പെർഫെക്റ്റ് ആയി ഷവർമ വീട്ടിൽ തന്നെ തയ്യാറാക്കിയാലോ.
ചേരുവകൾ
- എല്ല് ഇല്ലാത്ത ചിക്കൻ – 250 ഗ്രാം
- തക്കാളി അരിഞ്ഞത് – 1/2 കപ്പ്
- ഉള്ളി അരിഞ്ഞത് – 1/4 കപ്പ്
- ലെറ്റൂസ് അരിഞ്ഞത് – 1/2 കപ്പ്
- കുക്കുമ്പർ അരിഞ്ഞത് – 1/2 കപ്പ്
- കുരുമുളകുപൊടി – 1 ടീസ്പൂൺ
- ഉപ്പ് – 1/2 ടീസ്പൂൺ
- മുളകുപൊടി – 1/2 ടീസ്പൂൺ
- മയോണൈസ് – 3 ടേബിൾ സ്പൂൺ
- ഒലിവ് ഓയിൽ – 3 ടേബിൾ സ്പൂൺ
തയ്യാറാക്കുന്ന വിധം
ചിക്കൻ ചെറുതായി അരിഞ്ഞെടുക്കുക. ഒരു പാൻ അടുപ്പിൽ വച്ചതിനുശേഷം അതിലേക്ക് ഒലിവ് ഓയിൽ ഒഴിക്കാം, ചൂടായി കഴിഞ്ഞാൽ അതിലേക്ക് നേരത്തെ അരിഞ്ഞുവെച്ചചിക്കൻ ഇട്ടു കൊടുക്കാം. ഇത് ചെറുതായി ഒന്ന് വഴറ്റിയെടുക്കുക, ശേഷം ഇതിലേക്ക് കുരുമുളകുപൊടിയും ഉപ്പും മുളകുപൊടിയും ചേർക്കാം. ഇവയെല്ലാം നന്നായി വഴറ്റുക. ചിക്കനിൽ നിന്ന് വെള്ളം ചെറുതായി ഇറങ്ങി വരാൻ തുടങ്ങും. ചിക്കൻ വെന്ത് കഴിഞ്ഞാൽ നമ്മൾക്ക് ഗ്യാസ് ഓഫ് ചെയ്യാം.
വലിയൊരു പാത്രം എടുത്ത് അതിലേക്ക് തക്കാളി അരിഞ്ഞതും ലെറ്റ്യൂസ് അരിഞ്ഞതും പൊടിയായി അരിഞ്ഞ സവാളയും കുക്കുമ്പർ അരിഞ്ഞതും ചേർത്ത് ഇതിന്റെ കൂടെ തന്നെ നമ്മൾ വേവിച്ചു വച്ച ചിക്കനും ചേർത്ത് നന്നായി മിക്സ് ചെയ്യാം. ഇനി ഒരു ചപ്പാത്തിയോ അല്ലെങ്കിൽ കുബ്ബൂസോ എടുത്തതിനുശേഷം അതിലേക്ക് മയോണൈസ് തേച്ച് തയ്യാറാക്കിയ ഫില്ലിംഗ് ഇതിലേക്ക് വെച്ച് മടക്കി കൊടുക്കാം.
STORY HIGHLIGHT: Chicken shawarma
