കുതിരവട്ടം പപ്പുവിന്റെ മൂന്ന് മക്കളില്‍ ബിനു പപ്പു മാത്രമാണ് അച്ഛന്റെ പാരമ്പര്യം പിന്‍തുടര്‍ന്ന് അഭിനയ ലോകത്തേക്ക് വന്നത്. അച്ഛനെ പോലെ തന്നെ മികച്ച റോളുകള്‍ തിരഞ്ഞെടുത്ത് ചെയ്യുന്നതില്‍ ബിനുവും അതീവ ശ്രദ്ധ കാണിക്കാറുണ്ട്. ഇന്ന് ബിനു പപ്പുവിന്റെ വിവാഹ വാര്‍ഷികമാണ്. ഭാര്യയ്ക്കൊപ്പമുള്ള മനോഹരമായ ചിത്രത്തിനൊപ്പം വിവാഹ വാര്‍ഷിക ആശംസകള്‍ അറിയിച്ച് ബിനു പപ്പു ഇന്‍സ്റ്റഗ്രാമില്‍ എത്തി.
‘ഈ അത്ഭുതകരമായ യാത്രയില്‍ എനിക്കൊപ്പം നിന്നതിന് നന്ദി. വിവാഹ വാര്‍ഷിക ആശംസകള്‍ എന്റെ പ്രണയമേ’ എന്നാണ് ബിനു പപ്പു ഫോട്ടോയ്‌ക്കൊപ്പം കുറിച്ചത്. പോസ്റ്റിന് താഴെ ഇരുവര്‍ക്കും വിവാഹ വാര്‍ഷിക ആശംസകള്‍ അറിയിച്ച് ആരാധകര്‍ എത്തിയിട്ടുണ്ട്.
അഷിത അലക്‌സ് ആണ് ബിനു പപ്പുവിന്റെ ഭാര്യ. നേരത്തെയും അഷിതയുടെ സ്റ്റൈലിഷ് ചിത്രങ്ങള്‍ സോഷ്യല്‍ മീഡിയയില്‍ വൈറലായിട്ടുണ്ട്. പ്രണയ വിവാഹമാണ് ബിനുവിന്റെയും അഷിതയുടെയും. ബെംഗളൂരുവില്‍ വച്ചുള്ള പ്രണയമാണ് ഇരുവരെയും ജാതിയുടെ അതിര്‍ വരമ്പുകള്‍ ഭേദിച്ച് ഒന്നിപ്പിച്ചത്. രണ്ട് മക്കളാണ് ദമ്പതികള്‍ക്ക്.
ബൈ പ്രൊഫഷന്‍ ബിനു പപ്പു ഒരു ആര്‍ക്കിടെക്ട് ആണ്. ആ കരിയറില്‍ മികച്ച രീതിയില്‍ മുന്നോട്ട് പോകുമ്പോഴാണ് സിനിമയിലേക്കുള്ള വരവ്. അതിന് ഏറ്റവും അധികം പിന്തുണച്ചതും അഷിതയാണെന്ന് ബിനു പറഞ്ഞിട്ടുണ്ട്. അച്ഛന്റെ പാരമ്പര്യം പിന്‍തുടര്‍ന്ന് സിനിമയിലെത്തിയെങ്കിലും തുടക്കം വലിയ രീതിയില്‍ മിന്നിയില്ല. അപ്പോഴും മുന്നോട്ട് പോകാനുള്ള ധൈര്യവും വിശ്വാസവും അഷിത നല്‍കി.
content highlight: Actor Binu Pappu