പാൽ കുടിക്കുന്നത് പലർക്കും ഒരു ദൈനംദിന ശീലമാണ്, പ്രത്യേകിച്ച് രാത്രി ഉറങ്ങുന്നതിന് മുമ്പ്. പാൽ കാൽസ്യം, വിറ്റാമിൻ ഡി, പ്രോട്ടീൻ തുടങ്ങിയ പോഷകങ്ങളാൽ സമ്പന്നമാണ്, ഇത് എല്ലുകളുടെ ആരോഗ്യം മെച്ചപ്പെടുത്താനും പേശികളുടെ വളർച്ചയ്ക്കും സഹായിക്കുന്നു.
പാലിൽ ‘ട്രിപ്റ്റോഫാൻ’ എന്ന അമിനോ ആസിഡ് അടങ്ങിയിട്ടുണ്ട്, ഇത് ഉറക്കത്തെ നിയന്ത്രിക്കുന്ന സെറോട്ടോണിൻ, മെലറ്റോണിൻ തുടങ്ങിയ ഹോർമോണുകളുടെ ഉൽപ്പാദനത്തിന് സഹായിക്കുന്നു. അതിനാൽ, രാത്രി ചെറുചൂടുള്ള പാൽ കുടിക്കുന്നത് നല്ല ഉറക്കം പ്രദാനം ചെയ്യാൻ സഹായിക്കും.
പാലിൽ പഞ്ചസാരയ്ക്ക് പകരം ശർക്കര ചേർത്ത് കുടിക്കുന്നത് ദഹനം മെച്ചപ്പെടുത്താനും മലബന്ധം, ഗ്യാസ് തുടങ്ങിയ പ്രശ്നങ്ങളെ അകറ്റാനും ഗുണകരമാണ്. ശർക്കരയിൽ മഗ്നീഷ്യവും ഫോസ്ഫറസും അടങ്ങിയിരിക്കുന്നതിനാൽ, ഇത് പാലിന്റെ പോഷക മൂല്യം വർധിപ്പിക്കുന്നു.
പാലും പാലുൽപ്പന്നങ്ങളും ധാരാളമായി കഴിക്കുന്ന മുതിർന്നവർ ഓർമ്മശക്തിയിലും തലച്ചോറിന്റെ പ്രവർത്തനപരീക്ഷകളിലും മികച്ച പ്രകടനം കാഴ്ചവെച്ചതായി പഠനങ്ങൾ സൂചിപ്പിക്കുന്നു.
എന്നിരുന്നാലും, ചിലർക്കു പാലിൽ ഉള്ള ലാക്ടോസ് എന്ന പഞ്ചസാര ദഹിക്കാനാവാത്തതിനാൽ (ലാക്ടോസ് അസഹിഷ്ണുത), പാൽ കുടിക്കുന്നത് അസ്വസ്ഥതകൾക്ക് കാരണമാകാം. അതിനാൽ, പാൽ കുടിക്കുന്നതിന് മുമ്പ് നിങ്ങളുടെ ശരീരത്തിന്റെ പ്രതികരണം മനസ്സിലാക്കുകയും, ആവശ്യമായാൽ ആരോഗ്യ വിദഗ്ധരുടെ ഉപദേശം തേടുകയും ചെയ്യുക.
പതിവായി രാത്രിയിൽ പാൽ കുടിക്കുന്നത് ചർമ്മത്തിന്റെ അവസ്ഥ മെച്ചപ്പെടുത്തുകയും യുവത്വം നൽകുകയും ചെയ്യും. പാലിൽ വിറ്റാമിൻ ബി 12 അടങ്ങിയിട്ടുണ്ട്. ഇത് ചർമ്മത്തിന്റെ ഇലാസ്തികത നഷ്ടപ്പെടുന്നത് തടയാനും കൊളാജൻ മനോഹരമായ തിളക്കവും രൂപവും നൽകാനും സഹായിക്കും. പാലിൽ അടങ്ങിയിരിക്കുന്ന വൈറ്റമിൻ എ ചർമ്മത്തെ തിളക്കമുള്ളതാക്കുന്നതിന് സഹായിക്കുന്നു.
പാലിൽ ഉയർന്ന അളവിൽ വിറ്റാമിൻ ഡി അടങ്ങിയിട്ടുണ്ട്. ഇത് ആരോഗ്യമുള്ള അസ്ഥികളുടെ രൂപീകരണത്തിന് ആവശ്യമായ കാൽസ്യം ആഗിരണം ചെയ്യാൻ ശരീരത്തിന് ആവശ്യമാണ് കൂടാതെ, ഓസ്റ്റിയോപൊറോസിസ് പോലുള്ള പല രോഗങ്ങളാലും ഉണ്ടാകുന്ന അപകടങ്ങളു വിറ്റാമിൻ ഡിക്ക് നികത്താൻ കഴിയും.
content highlight: habit-of-drinking-milk-before-going-to-bed-