അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നട്‌സ്, ഡ്രൈ ഫ്രൂട്‌സ് പൊതുവേ ആരോഗ്യത്തിന് ഏറെ നല്ലതാണ്. പല പോഷകങ്ങളും അടങ്ങിയ ഒന്നാണിത്. ബദാം, വാള്‍നട്‌സ്, ഉണക്കമുന്തിരി, നിലക്കടല, പിസ്ത, കശുവണ്ടിപ്പരിപ്പ് തുടങ്ങിയ പലതും ഈ ഗണത്തില്‍ പെടുന്നവയാണ്. ഇവ കഴിയ്‌ക്കേണ്ട രീതിയില്‍ കഴിച്ചാലേ ഗുണം ലഭിയ്ക്കൂവെന്നതും ഏറെ പ്രധാനമാണ്. എന്നാല്‍ മാത്രമേ ആരോഗ്യകരമാണെങ്കിലും ഇവ ശരീരത്തിന് വേണ്ട ഗുണം നല്‍കൂ, വേണ്ട രീതിയില്‍ ഇതിലെ പോഷകങ്ങള്‍ ശരീരത്തിന് വലിച്ചെടുക്കാന്‍ സാധിയ്ക്കു.
പൊതുവേ നാം ചില നട്‌സ്, പ്രധാനമായും ബദാം പോലുള്ളവ കുതിര്‍ത്ത് കഴിയ്ക്കുന്നതാണ് നല്ലതെന്ന് നാം കേട്ടുകാണും. ബദാമിന്റെ കട്ടിയുള്ള തൊലി മൃദുവാക്കി രുചികരമാക്കാന്‍ ഇത് സഹായിക്കുന്നവെന്നതാണ് പലരും കരുതുന്നത്. മാത്രമല്ല, പോഷകങ്ങള്‍ ശരീരം വലിച്ചെടുക്കാന്‍ ഇതുപോലെ കുതിര്‍ത്തുന്നത് നല്ലതാണെന്ന് നാം കേട്ടുകാണും. ഇതുപോലെ എല്ലാ നട്‌സും കുതിര്‍ത്തി കഴിയ്ക്കുന്നതാണ് നല്ലതെന്നും നാം കേട്ടുകാണും.
വാസ്തവത്തില്‍ നട്‌സ്, പ്രത്യേകിച്ച് ബദാം പോലുള്ളവ കുതിര്‍ത്തി കഴിയ്ക്കുന്നത് ഇതിലെ ഫൈറ്റിക് ആസിഡ് എന്ന ഘടകം നീക്കാന്‍ നല്ലതാണ്. ഫൈറ്റിക് ആസിഡ് ശരീരം പോഷകങ്ങള്‍ വലിച്ചെടുക്കുന്നത് തടയാന്‍ ഇടയാക്കുന്ന ഒന്നാണ്. വെളളത്തില്‍ ഇട്ട് കുതിര്‍ത്തുമ്പോള്‍ ഫൈറ്റിക് ആസിഡ് നീങ്ങുന്നു.ഇതിലൂടെ പോഷകങ്ങള്‍ ശരീരത്തിന് നല്ല രീതിയില്‍ വലിച്ചെടുക്കാന്‍ സാധിയ്ക്കുകയും ചെയ്യുന്നു. എന്നാല്‍ കശുവണ്ടിപ്പരിപ്പ്, പിസ്ത എന്നിവയില്‍ ഫൈറ്റിക് ആസിഡ് തീരെ കുറവാണ്. ഇതിനാല്‍ ഇത് കുതിര്‍ത്തേണ്ട കാര്യമില്ല. അതേ സമയം ബദാം, വാള്‍നട്‌സ് എന്നിവ തലേന്ന് രാത്രി വെളളത്തിലിട്ട് കുതിര്‍ത്തി കഴിയ്ക്കുന്നതാണ് നല്ലത്. തൊലി കളയാതെ കഴിയ്ക്കുകയും വേണം. കാരണം ഇവയിലെ തൊലിക്കടിയിലാണ് കൂടുതല്‍ പോഷകങ്ങള്‍ ഉള്ളത്.
എന്നാല്‍ എല്ലാ നട്‌സും ഇതുപോലെ കുതിര്‍ത്തേണ്ട കാര്യമില്ല. ഫൈറ്റിക് ആസിഡ് അടങ്ങിയവ മാത്രമേ ഇതുപോലെ കുതിര്‍ത്തേണ്ട കാര്യമുള്ളൂ. ബദാമില്‍ ഫൈറ്റിക് ആസിഡ് അടങ്ങിയിട്ടുണ്ട്. ഇതുപോലെ വാള്‍നട്‌സിലും ഇത് അടങ്ങിയിട്ടുണ്ട്. ഇതിനാല്‍ ഇവ രണ്ടും വെള്ളത്തിലിട്ട് കുതിര്‍ത്തുന്നതാണ് കൂടുതല്‍ നല്ലത്. ഇത് ശരീരത്തിന് ഇവ എളുപ്പത്തില്‍ ദഹിപ്പിയ്ക്കാനും പോഷകങ്ങള്‍ വലിച്ചെടുക്കാനും സഹായിക്കുന്നു. അതേ സമയം ഫൈറ്റിക് ആസിഡ് അടങ്ങാത്ത നട്‌സ് ഇതുപോലെ കുതിര്‍ത്തേണ്ട കാര്യവും ഇല്ല.
ഇതുപോലെ നാം കേട്ടുകാണും, ഉണക്കമുന്തിരി കുതിര്‍ത്തി കഴിയ്ക്കുന്നതാണ് കൂടുതല്‍ നല്ലതെന്ന്. ഇത് വാസ്തവമാണ്. ഉണക്കമുന്തിരിയില്‍ ധാരാളം പോഷകങ്ങള്‍ അടങ്ങിയിട്ടുണ്ട്. വെള്ളത്തിലിട്ട് കുതിരുമ്പോള്‍ ഇവയുടെ ഗുണം ഇരട്ടിയാകുന്നു. ഉണക്കമുന്തിരിയിലെ മിനറലുകളും ധാതുക്കളുമെല്ലാം കൂടുതല്‍ പ്രവര്‍ത്തനക്ഷമമാകുന്നു. ഇതിലെ പോഷകങ്ങള്‍ ശരീരത്തിന് ലഭിയ്ക്കുന്നു. ഇതിനാല്‍ ഇവയും കുതിര്‍ത്തി കഴിയ്ക്കുന്നതാണ് ഗുണം നല്‍കുന്നതെന്ന് പറയാം.
content highlight: nuts
