ടിഫിന് എന്ത് പായ്ക്ക് ചെയ്യണമെന്ന് അറിയാതെ ആശയക്കുഴപ്പത്തിലാണോ? എന്നാൽ കുട്ടികൾ ഇനിയും വാങ്ങി കഴിക്കാൻ കൊതിക്കുന്ന ഈ ലളിതമായ മിക്സഡ് ഫ്രൈഡ് ഒന്ന് ട്രൈ ചെയ്താലോ ? അതും റസ്‌റ്ററന്റ് സ്‌റ്റൈൽ മിക്സഡ് ഫ്രൈഡ് റൈസ്.
ചേരുവകൾ
ബസ്മതി അരി – രണ്ടു കപ്പ്
എണ്ണ – പാകത്തിന്
ചിക്കൻ – 250 ഗ്രാം, ചെറിയ കഷണങ്ങളാക്കിയത്
ചെമ്മീൻ – 250 ഗ്രാം
മുട്ട – മൂന്ന്, അടിച്ചത്
കാരറ്റ് പൊടിയായി അരിഞ്ഞത് – കാൽ കപ്പ്
ബീൻസ് പൊടിയായി അരിഞ്ഞത് – കാൽ കപ്പ്
കാബേജ് പൊടിയായി അരിഞ്ഞത് – കാൽ കപ്പ്
സോയ സോസ് – രണ്ടു വലിയ സ്പൂൺ
വിനാഗിരി – ഒരു വലിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
ഉപ്പ് – പാകത്തിന്
പഞ്ചസാര – ഒരു ചെറിയ സ്പൂൺ
സ്പ്രിങ് അണിയൻ പൊടിയായി അരിഞ്ഞത് – കാൽ കപ്പ്
പാകം ചെയ്യുന്ന വിധം
ബസ്മതി അരി നന്നായി കഴുകി അരമണിക്കൂർ കുതിർത്ത് വേവിച്ചൂറ്റി മാറ്റി വയ്ക്കണം. പാനിൽ മൂന്നു വലിയ സ്പൂൺ എണ്ണ ചൂടാക്കി ചിക്കൻ പാകത്തിനുപ്പു ചേർത്തു വഴറ്റണം. ഗോൾഡൻ ബ്രൗൺ നിറമാകുമ്പോൾ വാങ്ങി മാറ്റി വയ്ക്കുക. ഇതേ പാനിൽ രണ്ടു വലിയ സ്പൂൺ എണ്ണ ചൂടാക്കി ചെമ്മീൻ പാകത്തിനുപ്പും ചേർത്തു തിരിച്ചും മറിച്ചുമിട്ടു വറുത്തു കോരി മാറ്റി വയ്ക്കണം. രണ്ടു വലിയ സ്പൂൺ എണ്ണ കൂടി ചൂടാക്കി മുട്ട പാകത്തിനുപ്പും കുരുമുളകുപൊടിയും ചേർത്തു ചിക്കിപ്പൊരിച്ചു മാറ്റി വയ്ക്കുക. രണ്ടു വലിയ സ്പൂൺ എണ്ണ കൂടി ചൂടാക്കി ആറാമത്തെ ചേരുവ വഴറ്റണം. രണ്ടു മിനിറ്റു വഴറ്റിയ ശേഷം വേവിച്ച അരി ചേർത്തിളക്കണം. ഏഴാമത്തെ ചേരുവ യോജിപ്പിച്ച് പാനിൽ ചേർത്തു തീ കൂട്ടിവച്ച് ഇളക്കി യോജിപ്പിക്കണം. ഇതിലേക്കു വറുത്തു മാറ്റു വച്ചിരിക്കുന്ന ചിക്കനും ചെമ്മീനും മുട്ടയും ചേർത്തിവക്കണം സ്പ്രിങ് അണിയൻ ചേർത്തിളക്കി വാങ്ങാം. ചൂടോടെ വിളമ്പാം.