അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചിക്കനിൽ പല പരീക്ഷണങ്ങളും നടത്താറുണ്ടല്ലോ ? എന്നാൽ അക്കൂട്ടത്തിൽ ഇതാ ഒന്നൂടി പരീക്ഷിച്ചോളൂ.. പുളിയും തേനും ചേര്‍ത്ത് പൊരിച്ചെടുത്ത ചിക്കന്‍ ആകാം ഇന്നത്തെ താരം.
ചേരുവകള്‍
ചിക്കന്‍ വിംഗ്സ്- ഒരു കിലോ
ചില്ലി ഗാര്‍ലിക് പേസ്റ്റ്- ഒരു ടേബിള്‍ സ്പൂണ്‍
സോയ സോസ്- രണ്ട് ടേബിള്‍ സ്പൂണ്‍
ടാമറിന്‍ഡ് പ്യൂരി- രണ്ട് ടേബിള്‍ സ്പൂണ്‍
ഇഞ്ചി, ചെറുതായി അരിഞ്ഞത്- രണ്ട് ടേബിള്‍ സ്പൂണ്‍
വിനാഗിരി- അര കപ്പ്
തേന്‍- ഒരു ടേബിള്‍ സ്പൂണ്‍
കുരുമുളക്പൊടി- ഒരു ടേബിള്‍ സ്പൂണ്‍
നാരങ്ങാ നീര്- രണ്ട് ടേബിള്‍ സ്പൂണ്‍
അരിപ്പൊടി- ഒരു കപ്പ്
ചോളപ്പൊടി- ഒരു കപ്പ്
എണ്ണ- ആവശ്യത്തിന്
തയ്യാറാക്കുന്ന വിധം
ചിക്കന്‍ വിംഗ്സ് കഴുകി വൃത്തിയാക്കി നനവ് നീക്കിയ ശേഷം സോയ സോസ്, ടാമറിന്‍ഡ് പ്യൂരി, ചില്ലി ഗാര്‍ലിക് പേസ്റ്റ്, ഇഞ്ചി, വിനാഗിരി, നാരങ്ങാനീര്, അരിപ്പൊടി, ചോളപ്പൊടി, കുരുമുളക്പൊടി എന്നിവ മിക്സ് ചെയ്ത മിശ്രിതം നന്നായി പുരട്ടി രണ്ട് മണിക്കൂര്‍ മാറ്റി വെയ്ക്കാം.
ഇനി 30 ഡിഗ്രി സെല്‍ഷ്യസില്‍ ഓവനില്‍ ബേക്ക് ചെയ്തെടുക്കാം. അല്ലെങ്കില്‍ ചുവടുകട്ടിയുള്ള പാത്രത്തില്‍ എണ്ണ ഒഴിച്ച് ചൂടാകുമ്പോള്‍ ഗോള്‍ഡന്‍ ബ്രൗണ്‍ നിറമായി ക്രിസ്പി ആകുന്നതുവരെ വറുത്തെടുക്കാം. ഇതിന് മുകളില്‍ തേന്‍ ഒഴിച്ച് കഴിക്കാം.
