അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ജെസിബി ബാക്ക്ഹോ ലോഡര്‍ നിര്‍മ്മാണത്തില്‍ 10 ലക്ഷം പിന്നിട്ടു. ബാക്ക്ഹോ 1953-ല്‍ സ്റ്റാഫോര്‍ഡ്ഷെയറിലെ റോസെസ്റ്ററില്‍ ഉല്‍പാദന നിരയില്‍ നിന്നാണ് മാര്‍ക്ക് വണ്‍ എന്നറിയപ്പെടുന്ന ആദ്യത്തെ ജെസിബി പുറത്തിറങ്ങുന്നത്.
1954-ല്‍ ഉല്‍പാദനത്തിന്റെ ആദ്യ വര്‍ഷത്തില്‍ 35 മെഷീനുകള്‍ മാത്രമാണ് നിർമ്മിച്ചത്. ആദ്യത്തെ 50,000 മെഷീനുകള്‍ നിര്‍മ്മിക്കാന്‍ 20 വര്‍ഷത്തിലധികം എടുത്തു. ആദ്യത്തെ അര ദശലക്ഷം ജെസിബി ബാക്ക്ഹോകള്‍ നിര്‍മ്മിക്കാന്‍ 59 വര്‍ഷമാണ് വേണ്ടി വന്നത്.
എന്നാല്‍ 13 വർഷത്തിനുള്ളിൽ അടുത്ത അര ദശലക്ഷം നിര്‍മ്മിക്കാന്‍ കമ്പനിക്ക് കഴിഞ്ഞു. ഇപ്പോള്‍ യുകെ, ഇന്ത്യ, ബ്രസീല്‍ എന്നിവിടങ്ങളില്‍ ജെസിബി ബാക്ക്ഹോ ലോഡറുകളുടെ നിര്‍മ്മാണം നടക്കുന്നുണ്ട്.
ഇന്ന് ഏറ്റവും കൂടുതല്‍ വിറ്റഴിക്കപ്പെടുന്ന നിര്‍മ്മാണ യന്ത്രങ്ങളില്‍ ഒന്നായി മാറിയിരിക്കുകയാണ് ഇത്. നിര്‍മ്മാണ ഉപകരണ വില്‍പ്പന പട്ടികയില്‍ ലോകത്തിലെ ഏറ്റവും ജനപ്രിയമായ നാലാമത്തെ യന്ത്രമാണിത്.
ബാക്ക്ഹോ ലോഡറിന്റെ ഉത്പാദനം 10 ലക്ഷം പിന്നിട്ടത് ജെസിബി ആഘോഷിച്ചത് വേറിട്ട രീതിയിലാണ്. ആഘോഷത്തിന്റെ ഭാഗമായി, ജെസിബിയുടെ വേള്‍ഡ് ആസ്ഥാനത്തിന് പുറത്തുള്ള റോഡില്‍ നൂറുകണക്കിന് ജീവനക്കാര്‍ അണിനിരന്നു.
1954 ലെ മാര്‍ക്ക് I മുതല്‍ 2025 ലെ 3CX മോഡല്‍ വരെ അണിനിരത്തി. വര്‍ഷങ്ങള്‍ പഴക്കമുള്ള 16 ബാക്ക്ഹോകളുടെ നിരയെ കാണാന്‍ കമ്പനി ചെയര്‍മാന്‍ ആന്റണി ബാംഫോര്‍ഡിനും എത്തിയിരുന്നു.
