അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സ്ത്രീകളുടെയും പുരുഷന്മാരുടെയും മരണത്തിന് ഹൃദ്രോഗം കാരണമാകുന്നുണ്ട്. ഹൃദ്രോഗലക്ഷണങ്ങളിൽ ചിലത് സ്ത്രീകളിലും പുരുഷന്മാരിലും വ്യത്യസ്തമാണ്. ഹൃദ്രോഗത്തിന്റെയും ഹൃദയാഘാതത്തിന്റെയും ലക്ഷണങ്ങൾ സമയത്ത് കണ്ടെത്തുന്നത് ജീവൻ രക്ഷിക്കാൻ സഹായിക്കും.
ലക്ഷണങ്ങൾ
സ്ത്രീകളിലും പുരുഷന്മാരിലും ഉണ്ടാകുന്ന നെഞ്ചുവേദന ഹൃദയാഘാതത്തിന്റെ സാധാരണമായ ലക്ഷണമാണ്. എന്നാൽ സ്ത്രീകളിൽ ഇതിനു പുറമേ ഓക്കാനവും കഴുത്തിലും പുറത്തും വേദനയും അനുഭവപ്പെടും. ഹൃദയാഘാതം കൊണ്ടുള്ള നെഞ്ചുവേദന സ്ത്രീകളിൽ ഒരു മുറുക്കവും സമ്മർദവും പോലെയാകും അനുഭവപ്പെടുക.
കഴുത്ത്, താടിയെല്ല്, പുറത്തിന്റെ മുകൾഭാഗം, മേൽവയറ് എന്നിവിടങ്ങളില്‍ വേദന
ശ്വാസമെടുക്കാൻ പ്രയാസം
ഒരു കയ്യിലോ രണ്ടു കൈകൾക്കുമോ വേദന
ഓക്കാനവും ഛർദിയും
വിയർപ്പ്
∙തലകറക്കം
കടുത്ത ക്ഷീണവും തളർച്ചയും
ദഹനക്കേടു മൂലമുള്ള നെഞ്ചെരിച്ചിൽ
സ്ത്രീകളിൽ ഹൃദ്രോഗസാധ്യത കൂട്ടുന്ന ഒരു ഘടകമാണ് പുകവലി. ശാരീരികമായി ഒട്ടും ആക്ടീവ് അല്ലാതെ, ചടഞ്ഞുകൂടിയുള്ള ജീവിതശൈലി, ഹൃദ്രോഗസാധ്യത കൂട്ടും. സമ്മർദ (stress)വും വിഷാദ ലക്ഷണങ്ങളും സ്ത്രീകളുടെ ഹൃദയത്തെ പുരുഷന്മാരെക്കാളധികം ബാധിക്കും. ആരോഗ്യകരമായ ഒരു ജീവിതശൈലി പിന്തുടരാൻ ഇതുമൂലം പ്രയാസമാകും. ടൈപ്പ് 2 പ്രമേഹം ബാധിച്ച സ്ത്രീകൾക്ക് പുരുഷന്മാരേക്കാളധികമാണ് ഹൃദ്രോഗ സാധ്യത.
പതിവായുള്ള വർക്കൗട്ടും വ്യായാമവും ഹൃദയസംബന്ധമായ രോഗങ്ങൾക്കുള്ള സാധ്യത കുറയ്ക്കും. കൊളസ്ട്രോളും രക്തസമ്മർദവും കുറയുന്നതു മൂലമാണ് ഹൃദ്രോഗസാധ്യതയും കുറയുന്നത്. നടത്തവും ജോഗിങ്ങും തുടങ്ങാൻ വൈകരുതെന്ന് ഡോക്ടർമാർ നിർദേശിക്കുന്നു.
