കുടംപുളി ചേർത്ത് ഉരുളക്കിഴങ്ങ് കറി വെച്ചിട്ടുണ്ടോ, കിടിലൻ സ്വതാണ്. ചോറിനൊപ്പം കഴിക്കാവുന്ന ഒരു കറി ഉരുളക്കിഴങ്ങ് കൊണ്ട് തയാറാക്കിയാലോ? റെസിപ്പി നോക്കാം.
ആവശ്യമായ ചേരുവകൾ
തയ്യാറാക്കുന്ന വിധം
ചിരകിയ തേങ്ങ പിഴിഞ്ഞ് 1 കപ്പ് ഒന്നാം പാലും 2 കപ്പ് രണ്ടാം പാലും മാറ്റിവയ്ക്കുക. മല്ലിപ്പൊടി, മുളകുപൊടി, മഞ്ഞള്‍പ്പൊടി എന്നിവ വെള്ളമൊഴിച്ച് പേസ്റ്റ് രൂപത്തിലാക്കി വയ്ക്കുക. ചീനച്ചട്ടിയില്‍ വെളിച്ചെണ്ണയൊഴിച്ച് ചൂടാകുമ്പോള്‍ കടുകു പൊട്ടിച്ച ശേഷം അരിഞ്ഞുവച്ചിരിക്കുന്ന സവാള, പച്ചമുളക് ഇവ വഴറ്റുക. ഇതിലേക്ക് ഇഞ്ചി, വെളുത്തുള്ളി ഇവ ചേര്‍ന്നു വഴന്നു കഴിയുമ്പോള്‍ പേസ്റ്റ് രൂപത്തിലാക്കിയ പൊടികള്‍ ചേര്‍ത്ത് എണ്ണ തെളിയുന്നതുവരെ ചെറു തീയിലിട്ട് വഴറ്റുക.
അതിനുശേഷം തക്കാളിയും ചേര്‍ക്കുക. കുഴഞ്ഞ പരുവമായാല്‍ തേങ്ങയുടെ രണ്ടാം പാല്‍ ചേര്‍ക്കുക. തിളച്ചുകഴിഞ്ഞാല്‍ നുറുക്കിയ ഉരുളക്കിഴങ്ങ് ചേര്‍ക്കുക. കുറുകിവരുമ്പോള്‍ കുടംപുളി ചേര്‍ക്കുക. അല്പം കൂടി കഴിഞ്ഞാല്‍ ഒന്നാം പാല്‍ ചേര്‍ക്കാം.ചെറു തീയിലിട്ട് എണ്ണ തെളിയുന്നത് വരെ വേവിച്ച ശേഷം തീ ഓഫ് ചെയ്യാം. ഇതിലേക്ക് കറിവേപ്പിലയും ചേര്‍ത്ത ശേഷം ഉപയോഗിക്കാം.