ചേരുവകൾ
നെയ്മീൻ- 500 ഗ്രാം, വെളിച്ചെണ്ണ- 3, കറിവേപ്പില- ആവശ്യത്തിന്, ഇഞ്ചി- 6 വെളുത്തുള്ളി, പച്ചമുളക്- 3, വെളുത്തുള്ളി- 6, തക്കാളി- 2, ഉപ്പ്- ആവശ്യത്തിന്, മുളകുപൊടി- 1 ടീസ്പൂൺ, തേങ്ങാപ്പാൽ- 500 മില്ലി, നാരങ്ങാ നീര്- 1 ടീസ്പൂൺ, വിനാഗിരി- 1 ടീസ്പൂൺ
തയാറാക്കുന്ന വിധം
മീൻ വൃത്തിയായി കഴുകി കഷ്ണങ്ങളാക്കാം. പാൻ ചൂടാക്കി വെളിച്ചെണ്ണ ഒഴിക്കാം. അതിലേയ്ക്ക് ഇഞ്ചിയും, കറിവേപ്പിലയും ചേർത്തു വഴറ്റാം.
ചെറുതായി അരിഞ്ഞ സവാളയും, വെളുത്തുള്ളിയും, പച്ചമുളകും ചേർത്ത് വേവിക്കാം.
തക്കാളി കഷ്ണങ്ങളാക്കിയതിനൊപ്പം ആവശ്യത്തിന് ഉപ്പും, മുളകുപൊടിയും, മഞ്ഞൾപ്പൊടിയും ചേർത്തിളക്കി യോജിപ്പിക്കാം.
രണ്ടു കപ്പ് വെള്ളം അതിലേയ്ക്ക് ഒഴിച്ചു തിളപ്പിക്കാം. ശേഷം കഷ്ണങ്ങളാക്കിയ മീൻ ചേർത്ത് ഇടത്തരം തീയിൽ വേവിക്കാം. തേങ്ങാപ്പാൽ ഒഴിച്ച് 15 മിനിറ്റ് തിളപ്പിക്കുക.
നാരങ്ങാനീരും വിനാഗിരിയും ഒഴിച്ച് കുറഞ്ഞ തീയിൽ 5 മിനിറ്റ് തിളപ്പിക്കാം. ശേഷം അടുപ്പണയ്ക്കാം. കേരള സ്റ്റൈൽ ഫിഷ് മോളി തയ്യാറായിരിക്കുന്നു.
content highlight: fish-molly-kerala-style-recipe