അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വീട്ടില്‍ ഏത്തപ്പഴം ഉണ്ടോ? കിടിലന്‍ ഏത്തപ്പഴം പുളിശ്ശേരി തയ്യാറാക്കാം. ഉച്ചയ്ക്ക് ഊണിന് ഈ പുളിശ്ശേരി ഉണ്ടെങ്കിൽ പിന്നെ കുശാലായി. റെസിപ്പി നോക്കിയാലോ?
ആവശ്യമായ ചേരുവകള്‍
- ഏത്തപ്പപഴം – 1 എണ്ണം
- മഞ്ഞള്‍ പൊടി – 1/4 ടീസ്പൂണ്‍
- മുളക് പൊടി – 1/2 ടീസ്പൂണ്‍
- തേങ്ങ – 1/4 കപ്പ്
- പച്ചമുളക് – 2 എണ്ണം
- ജീരകം – 1/8 ടീസ്പൂണ്‍
- തൈര് – 1/4 കപ്പ്
- വെളിച്ചെണ്ണ – 1 ടീസ്പൂണ്‍
- കടുക് – 1/2 ടീസ്പൂണ്‍
- ചുവന്ന മുളക് – 2 എണ്ണം
- ഉലുവപ്പൊടി – ഒരു പിഞ്ച്
- കറിവേപ്പില
- ഉപ്പ് – ആവശ്യത്തിന്
തയ്യാറാക്കുന്ന വിധം
ഏത്തപ്പഴം നാലായി മുറിച്ച് ശേഷം മഞ്ഞള്‍പ്പൊടിയും മുളകുപൊടിയും ഉപ്പും ചേര്‍ത്ത് വേവിച്ചെടുക്കുക. മിക്‌സിയില്‍ തേങ്ങയും പച്ചമുളകും ജീരകവും ചേര്‍ത്ത് നന്നായി അരച്ചെടുക്കുക. പഴം വെന്തുവരുമ്പോള്‍ അതിലേക്ക് ഈ കൂട്ട് ചേര്‍ത്ത് ഇളക്കുക. തൈര് കൂടി ചേര്‍ത്ത് ഇളക്കുക. ഇതിലേക്ക് കടുകും മുളകും കറിവേപ്പിലയും ഉലുവ പൊടിയും ചേര്‍ത്ത് വറുത്തിടുക. പുളിശേരി തയ്യാര്‍.
