അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബേക്കറികളില്‍ കിട്ടുന്ന അതേ രുചിയില്‍ ജിലേബി ഇനി സിമ്പിളായി വീട്ടിലുണ്ടാക്കാം. എങ്ങനെയെന്നല്ലേ, നോക്കിയാലോ?
ആവശ്യമായ ചേരുവകൾ
- മൈദ – 2 കപ്പ്
- തൈര് – 2 ടേബിൾ സ്പൂൺ
- പഞ്ചസാര – 2 കപ്പ്
- അരിപ്പൊടി – അര കപ്പ്
- മഞ്ഞള്‍ പൊടി – ആവശ്യത്തിന്
- ബേക്കിങ് പൗഡര്‍ -പാകത്തിന്
- എണ്ണ, ഉപ്പ് – ആവശ്യത്തിന്
തയ്യാറാക്കുന്ന വിധം
മൈദയും തൈരും വെള്ളവും ചേർത്ത് നല്ല മയത്തിൽ കലക്കി തലേ ദിവസം വെക്കണം. പിറ്റേ ദിവസം മിശ്രിതത്തിലേക്ക് അരിപ്പൊടി,മഞ്ഞൾപ്പൊടി,ആവശ്യത്തിന് ഉപ്പ്, ബേക്കിംഗ് പൌഡർ എന്നിവ ചേർത്ത് മിക്സിയിൽ നന്നായി അടിച്ചെടുക്കുക. രണ്ട് കപ്പ് പഞ്ചസാരയിൽ ഒരു കപ്പ് വെള്ളം ചേർത്ത് പഞ്ചസാര പാന തയ്യാറാക്കി വക്കുക. തുടർന്ന് മിക്സിയിൽ അടിച്ച മിശ്രിതം ഒരു പ്ലാസ്റ്റിക് കവറിൽ കോൺ ആകൃതിയിൽ ആക്കി വക്കുക. എണ്ണ ചൂടാക്കിയ ശേഷം, ഇഷ്ടമുള്ള ഷേപ്പിൽ ജിലേബി വറുത്തെടുക്കാം. വറുത്തുകോരുന്ന ജിലേബി പഞ്ചസാരപ്പാനയിൽ മുക്കി വക്കുക.
