നല്ല സോഫ്റ്റ് ഉണ്ണിയപ്പം തയ്യാറാക്കിയാലോ?

കിടിലൻ സ്വാദിൽ നല്ല സോഫ്റ്റ് ഉണ്ണിയപ്പം തയ്യാറാക്കിയാലോ? വളരെ എളുപ്പത്തിൽ രുചികരമായി തയ്യാറാക്കാവുന്ന ഉണ്ണിയപ്പത്തിന്റെ റെസിപ്പി നോക്കാം.

ആവശ്യമായ ചേരുവകൾ

• പച്ചരി – 3 കപ്പ്
• ചെറുപഴം – 5 എണ്ണം
• ശർക്കര – 750 ഗ്രാം
• വെള്ളം – ¾ കപ്പ്
• നെയ്യ് – 2 ടേബിൾസ്പൂൺ
• ഏലക്കാപ്പൊടി – 1 ടീസ്പൂൺ
• ഉപ്പ് – ഒരു നുള്ള്
• തേങ്ങാകൊത്ത്
• വെളിച്ചെണ്ണ

തയ്യാറാക്കുന്ന വിധം

പച്ചരി കഴുകി രണ്ടര മണിക്കൂർ കുതിർത്തിയ ശേഷം പൊടിച്ചു അരിച്ചെടുക്കണം (ചെറിയ തരിയോടെ ). ശേഷം ശർക്കര മുക്കാൽ കപ്പ് വെള്ളം ചേർത്ത് ഉരുക്കി അരിച്ചെടുക്കുക. അരിപ്പൊടിയിലേക്കു പഴം അടിച്ചതും ശർക്കര പാനിയും ഏലക്കാപ്പൊടിയും ഒരു നുള്ളു ഉപ്പും ചേർത്ത് നന്നായി യോജിപ്പിച്ച ശേഷം 6 മണിക്കൂർ വയ്ക്കണം.

ശേഷം നെയ്യിൽ തേങ്ങാ കൊത്തു വറുത്തതും കൂടി ചേർത്ത് നന്നായി യോജിപ്പിക്കുക. ഉണ്ണിയപ്പ ചട്ടിയിൽ വെളിച്ചെണ്ണ ഒഴിച്ച് ചൂടാകുമ്പോൾ ഉണ്ണിയപ്പത്തിന്റെ മാവു ഒഴിച്ച് കൊടുക്കുക. ഒരു വശം മൊരിഞ്ഞു വന്നാൽ ഉണ്ണിയപ്പം മറിച്ചിട്ടു കൊടുത്തു ഫ്രൈ ചെയ്തു എടുക്കുക.