അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മീനില്ലാതെ മീൻ കറിയുടെ സ്വാദിലൊരു കറി വെച്ചാലോ? രാത്രി ഭക്ഷണത്തോടൊപ്പം കഴിക്കാവുന്ന ഒരു കിടിലൻ കറി ആണിത്.
ആവശ്യമായ ചേരുവകള്‍
- തക്കാളി- 250 ഗ്രാം
- ചെറിയ ഉള്ളി- 150 ഗ്രാം
- വെളുത്തുള്ളി- 50 ഗ്രാം
- ഇഞ്ചി- 10 ഗ്രാം
- കറിവേപ്പില- മൂന്ന് തണ്ട്
- ഉലുവ- കാല്‍ ടീസ്പൂണ്‍
- മല്ലിപ്പൊടി- അര ടീസ്പൂണ്‍
- വാളന്‍പുളിവെള്ളം- 20 മില്ലി
- ഉപ്പ്- ആവശ്യത്തിന്
- മഞ്ഞള്‍പ്പൊടി- കാല്‍ ടീ സ്പൂണ്‍
- വറ്റല്‍ മുളക്- 100 ഗ്രാം
തയ്യാറാക്കുന്ന വിധം
തക്കാളി, ചെറിയുള്ളി, ഇഞ്ചി, വെളുത്തുള്ളി, കറിവേപ്പില ഇവ ചെറുതായി അരിയുക. ഇനി വറ്റല്‍ മുളക് അരച്ചെടുത്തതും മഞ്ഞള്‍പ്പൊടിയും ഉപ്പും മല്ലിപ്പൊടിയും അല്‍പം വെളിച്ചെണ്ണയും പുളിവെള്ളവും ചേര്‍ത്ത് പാകത്തിന് വെള്ളമൊഴിച്ച് ചെറുതീയില്‍ വയ്ക്കാം. ആദ്യം തയ്യാറാക്കിയവ ഇതില്‍ മിക്സ് ചെയ്ത് ചെറുതീയില്‍ വേവിക്കാം. ചാറ് കുറുകിയാല്‍ ഇറക്കി വച്ച് അല്‍പം ഉലുവയും ചെറിയുള്ളിയും കറിവേപ്പിലയും നന്നായി മൂപ്പിച്ച് ചേര്‍ക്കാം. കറി തയ്യാര്‍!
