അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ശരീരത്തിലെ വിഷ വസ്തുക്കളെ അകറ്റാനും ശരീര താപനില നിലനിർത്താനും സഹായിക്കുന്ന ഒന്നാണ് വിയർപ്പ്. ഇത് ആരോഗ്യകരവും സ്വാഭാവികവുമാണ്. പക്ഷേ വിയർപ്പിൽ നിന്നുണ്ടാകുന്ന ശരീരദുർഗന്ധം കുറച്ചു ബുദ്ധിമുട്ടുണ്ടാക്കുന്ന കാര്യമാണ്. ശരീരത്തിൽ നീണ്ടുനിൽക്കുന്ന ബാക്ടീരിയകളാണ് ഈ ദുർഗന്ധത്തിന്.
നിങ്ങളുടെ ശരീരത്തിൽ നിന്നുള്ള വിയർപ്പ് ചർമ്മത്തിൽ വസിക്കുന്ന ബാക്ടീരിയകളുമായി സംയോജിക്കുമ്പോൾ ശരീര ദുർഗന്ധം ഉണ്ടാകുന്നു. അതുകൊണ്ടാണ് നിങ്ങളുടെ ശരീര ദുർഗന്ധം അകറ്റുവാൻ ശരിയായ ഡിയോഡറന്റ് കണ്ടെത്തേണ്ടത് വളരെ പ്രധാനമാണെന്ന് പറയുന്നത്. അവ നിങ്ങളുടെ ചർമ്മത്തിൽ നിന്ന് ദുർഗന്ധം വമിക്കുന്ന ബാക്ടീരിയകളെ നശിപ്പിക്കുകയും ഏതെങ്കിലും തരത്തിലുള്ള അണുബാധ ഉണ്ടാകുന്നത് തടയുകയും ചെയ്യുന്നു.
ഇത്തരം ബാക്ടീരിയകളെ നശിപ്പിക്കാൻ ഡിയോഡറെൻറ് സഹായിക്കുന്നു. എന്നാൽ ഇതിന് പുറമേ അടുക്കളയിൽ കാണപ്പെടുന്ന ചില ചേരുവകൾ ഉപയോഗിച്ച് നിങ്ങളുടെ ശരീരദുർഗന്ധത്തെ നിയന്ത്രിക്കാൻ സാധിക്കും. അതെന്തൊക്കെയാണെന്ന് നോക്കാം..
വിനാഗിരി
ഒരു കോട്ടൺ പഞ്ഞി എടുത്ത് കുറച്ച് വിനാഗിരി (വെളുത്ത വിനാഗിരി, ആപ്പിൾ സിഡർ വിനാഗിരി തുടങ്ങിയവയിൽ ഏതുമാകാം) മുക്കി, വിയർക്കാൻ സാധ്യതയുള്ള സ്ഥലങ്ങളിൽ പുരട്ടുക. വിനാഗിരി ചർമ്മത്തിന്റെ പി.എച്ച് നില സന്തുലിതമാക്കാൻ സഹായിക്കുകയും ദുർഗന്ധം ഉളവാക്കുന്ന ഏതെങ്കിലും ബാക്ടീരിയകളെ നശിപ്പിക്കുകയും ചെയ്യുന്നു.
ചെറുനാരങ്ങ
വിനാഗിരി പോലെ, ചർമ്മത്തിന്റെ പിഎച്ച് നില സന്തുലിതമാക്കാൻ നാരങ്ങയും ഫലപ്രദമായി പ്രവർത്തിക്കുന്നു. ഒരു നാരങ്ങ പകുതിയായി മുറിച്ച് നിങ്ങളുടെ കക്ഷത്തിന്റെ ഭാഗത്ത് പുരട്ടുക. നിങ്ങൾ ഇത് ചെയ്യുമ്പോൾ അല്പം നാരങ്ങാ നീര് പിഴിഞ്ഞെടുക്കുന്നു എന്നും ഉറപ്പാക്കുക. ഒരു പേസ്റ്റ് തയ്യാറാക്കുവാൻ നിങ്ങൾക്ക് രണ്ട് ടേബിൾ സ്പൂൺ കോൺസ്റ്റാർച്ച്, നാരങ്ങ നീര് എന്നിവ ഒരുമിച്ച് ചേർക്കാം. ഇത് കക്ഷങ്ങളിൽ പുരട്ടി 10 മിനിറ്റിനു ശേഷം വൃത്തിയായി കഴുകുക.
ഗ്രീൻ ടീ
ഒരു പാത്രത്തിൽ വെള്ളം എടുക്കുക, തിളപ്പിക്കുക, തുടർന്ന് കുറച്ച് ഗ്രീൻ ടീ ഇലകൾ ചേർക്കുക. അത് തണുത്തു കഴിഞ്ഞാൽ, ഒരു കോട്ടൺ പഞ്ഞി ഇതിൽ മുക്കി നിങ്ങളുടെ വിയർക്കാൻ സാധ്യതയുള്ള ശരീരഭാഗങ്ങളിൽ പ്രയോഗിക്കുക. ചർമ്മത്തെ വരണ്ടതും ദുർഗന്ധവും ഇല്ലാതെയും സൂക്ഷിക്കാൻ ഈ ചായ സഹായിക്കും!
ശ്രദ്ധിക്കുക : ഈ പൊടിക്കൈ ആഴ്ചയിൽ രണ്ടോ മൂന്നോ തവണ മാത്രം ഉപയോഗിക്കുക.
തക്കാളി
പുതുതായി പിഴിഞ്ഞെടുത്ത രണ്ട് കപ്പ് തക്കാളി നീര് ഒരു ബക്കറ്റ് വെള്ളത്തിൽ ചേർക്കുക. ഇത് ഉപയോഗിച്ച് കുളിക്കുക അല്ലെങ്കിൽ 20-30 മിനിറ്റ് നേരം ശരീരം അതിൽ മുക്കിവയ്ക്കുക. ദുർഗന്ധം ഉളവാക്കുന്ന ബാക്ടീരിയകളെ നശിപ്പിക്കാൻ ഇതിന്റെ ആന്റിസെപ്റ്റിക് ഗുണങ്ങൾ സഹായിക്കും.
അപ്പക്കാരം
ഇത് ഈർപ്പം ആഗിരണം ചെയ്യാൻ സഹായിക്കുകയും ബാക്ടീരിയകളുടെ വളർച്ച കുറയ്ക്കുകയും ചെയ്യുന്നു. നിങ്ങൾക്ക് ഇത് ഒരു ടാൽക്കം പൊടി പോലെ ഉപയോഗിക്കാനും നിങ്ങളുടെ കക്ഷത്തിലും കാൽവിരലുകൾക്കിടയിലും പ്രയോഗിക്കുകയും ചെയ്യാവുന്നതാണ്. ദുർഗന്ധം വരാതിരിക്കാൻ നിങ്ങളുടെ ഷൂസിൽ നിന്ന് ദുർഗന്ധം വമിക്കാതിരിക്കുവാൻ ഒരു രാത്രി മുഴുവൻ ഷൂസിൽ ബേക്കിംഗ് സോഡ ഇട്ട് വയ്ക്കുക. ഷൂസ് ധരിക്കുന്നതിനു മുമ്പ് പൊടി കളയുവാൻ മറക്കരുത്! രണ്ട് ടേബിൾ സ്പൂൺ ബേക്കിംഗ് സോഡ ഒരു കപ്പ് വെള്ളത്തിൽ കലർത്തുക എന്നതാണ് മറ്റൊരു മികച്ച പൊടിക്കൈ. പഴയ ഒരു പെർഫ്യൂം കുപ്പിയിൽ ഈ ദ്രാവകം നിറച്ച് നിങ്ങളുടെ കക്ഷങ്ങളിൽ ദിവസവും തളിക്കുക. നിങ്ങളുടെ വസ്ത്രം ധരിക്കുന്നതിനുമുമ്പ് ഈ ഭാഗം വരണ്ടതാക്കാൻ അനുവദിക്കുക, അതുവഴി അവയിൽ നിന്ന് ദുർഗന്ധം വമിക്കുന്നത് തടയുവാൻ സാധിക്കും.
content highlight: body-odor
