അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കിടിലൻ സ്വാദിലൊരു മാങ്ങ ഐസ്‌ക്രീം ഉണ്ടാക്കിയാലോ? കുട്ടികൾക്കും മുതിർന്നവർക്കും ഒരുപോലെ ഇഷ്ടമാകുന്ന ഒരു ഐസ് ക്രീം റെസിപ്പി.
ആവശ്യമായ ചേരുവകള്‍
- മാങ്ങ – 1
- വിപ്പിങ് ക്രീം -1 കപ്പ്
- പഞ്ചസാര പൊടിച്ചത് – ആവശ്യത്തിന്
- വാനിലഎസന്‍സ് – ആവശ്യമെങ്കില്‍
- മഞ്ഞ നിറത്തിലുള്ള ഫുഡ് കളര്‍ – ഒരു തുള്ളി (ആവശ്യമെങ്കില്‍)
തയ്യാറാക്കുന്ന വിധം
ആദ്യം മാങ്ങ വെള്ളം ചേര്‍ക്കാതെ മിക്‌സിയില്‍ അടിച്ചെടുക്കണം. ഇനി ഒരു ബൗള്‍ എടുത്ത് അതിലേക്ക് 1 കപ്പ് വിപ്പിങ് ക്രീം ഒഴിക്കണം. മധുരം ഇല്ലാത്ത വിപ്പിങ് ക്രീം ആണെങ്കില്‍ പഞ്ചാസാര പൊടിച്ചത് ചേര്‍ത്ത് ബീറ്റ് ചെയ്യണം.( ബീറ്റര്‍ ഇല്ലെങ്കില്‍ മിക്‌സിയില്‍ അടിച്ചെടുത്താലും മതി ) ഇതിനുശേഷം മംഗോ പള്‍പ്പും വാനില എസന്‍സും തമ്മില്‍ ചേര്‍ക്കുക. ഫുഡ് കളര്‍ ആവശ്യമെങ്കില്‍ ചേര്‍ത്ത് കൊടുക്കാവുന്നതാണ്. ഒന്ന് കൂടെ ബീറ്റ് ചെയ്ത് നന്നായി മൂടി വച്ച് 8 മണിക്കൂര്‍ ഫ്രീസറില്‍ സെറ്റ് ചെയ്യാം. സൂപ്പര്‍ യമ്മി മാങ്ങ ഐസ്‌ക്രീം തയ്യാര്‍!
