അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വൈകുന്നേരം ചൂട് ചായയും മസാല പൂരിയും കഴിച്ചാലോ? ഗോതമ്പ് പൊടിയുണ്ടോ? എങ്കിൽ കിടിലൻ ഒരു മസാല പൂരി ഉണ്ടാക്കാം. റെസിപ്പി നോക്കാം.
ആവശ്യമായ ചേരുവകൾ
- ഗോതമ്പ് പൊടി- 2 കപ്പ്
- കാരം വിത്ത്- 1/2 ടീസ്പൂൺ
- മുളക് പൊടി-1 ടീസ്പൂൺ
- കായം- 2 നുള്ള്
- വെളിച്ചെണ്ണ- 2 കപ്പ്
- ഉപ്പ്- ആവശ്യത്തിന്
തയ്യാറാകുന്ന വിധം
ആദ്യമായി ഗോതമ്പ് പൊടി അരിച്ചെടുക്കുക. ശേഷം ഇതിലേക്ക് മുളകുപൊടി, കാരം വിത്ത്, ഉപ്പ്, കായം എന്നിവ ചേർത്ത് ഇളക്കി ആവശ്യത്തിന് വെള്ളമൊഴിച്ച് മാവ് പരുവത്തിലാക്കുക. ഇതിലേക്ക് അല്പം നെയ് ചേർത്താൽ നല്ല സ്വാദായിരിക്കും. മാവ് ഉണ്ടാക്കിയ ശേഷം, പാത്രം മൂടി 45 മിനിറ്റ് മാറ്റി വയ്ക്കണം.ഇനി ഇത് ചെറിയ ഉരുളകയായി ഉരുട്ടി പറത്തിയെടുക്കാം. ശേഷം ഒരു ഡീപ് ഫ്രൈ പാൻ എടുത്ത് കുറച്ച് എണ്ണ ഒഴിച്ച് മീഡിയം ഫ്ലെയിമിൽ ചൂടാക്കുക.എണ്ണ ചൂടായ ശേഷം പരത്തിവെച്ചിരിക്കുന്നവ വറുത്തെടുക്കാം.
