അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദക്ഷിണ കൊറിയൻ വാഹന നിർമ്മാതാക്കളായ കിയ ഈ വർഷം കാരൻസ് എംപിവിക്ക് ഒരു പ്രധാന മിഡ്-ലൈഫ് അപ്‌ഡേറ്റ് നൽകാൻ ഒരുങ്ങുകയാണ്. 2025 കിയ കാരെൻസ് ഫെയ്‌സ്‌ലിഫ്റ്റിന്റെ ഔദ്യോഗിക ലോഞ്ച് തീയതി ഇതുവരെ പ്രഖ്യാപിച്ചില്ല. എങ്കിലും അപ്‌ഡേറ്റ് ചെയ്ത മോഡൽ ഓഗസ്റ്റ് മാസത്തോടെ റോഡുകളിൽ എത്താൻ സാധ്യതയുണ്ട് എന്നാണ് റിപ്പോ‍ട്ടുകൾ.
പുതിയ കിയ കാരെൻസിന്റെ ഏറ്റവും പുതിയ സ്പൈ ഇമേജുകൾ ഇപ്പോൾ പുറത്തുവന്നു. ഈ ചിത്രങ്ങൾ ഈ കാറിന്റെ പരിഷ്‍കരിച്ച മുൻഭാഗം കാണിക്കുന്നു. അതിൽ EV5 പ്രചോദിത ലൈറ്റിംഗ് സജ്ജീകരണം ഉൾപ്പെടുന്നു. സ്റ്റാർമാപ്പ് എൽഇഡി ഘടകങ്ങളുള്ള ത്രികോണാകൃതിയിലുള്ള ഹെഡ്‌ലാമ്പുകൾ ഇതിൽ ഉണ്ട്. ബ്ലാക്ക്-ഔട്ട് ചെയ്ത A, B, C പില്ലറുകൾ, ഡോർ ഹാൻഡിലുകൾ, ബോഡി ക്ലാഡിംഗ്, ഡോർ സൈഡ് മോൾഡിംഗ് എന്നിവ മാറ്റമില്ലാതെ തുടരുന്നു. അതേസമയം പുതുതായി രൂപകൽപ്പന ചെയ്ത അലോയ് വീലുകൾ ഇതിന് ലഭിക്കുന്നു. എൽഇഡി സ്ട്രിപ്പും പുനർരൂപകൽപ്പന ചെയ്ത ബമ്പറും ടെയിൽലാമ്പുകളും ഉപയോഗിച്ച് പിൻ പ്രൊഫൈൽ അപ്‌ഡേറ്റ് ചെയ്യും.
വാഹനത്തിന്‍റെ ക്യാബിനുള്ളിലും പ്രധാന നവീകരണങ്ങൾ വരുത്തുമെന്ന് പ്രതീക്ഷിക്കുന്നു. പുതിയ 2025 കിയ കാരെൻസ് ഫെയ്‌സ്‌ലിഫ്റ്റിൽ പനോരമിക് സൺറൂഫ് ഉണ്ടാകും എന്നാണ് റിപ്പോ‍ട്ടുകൾ. നിലവിൽ, എംപിവി ടോപ്പ്-എൻഡ് ലക്ഷ്വറി പ്ലസ് ട്രിമ്മിൽ മാത്രമേ സിംഗിൾ-പാനൽ സൺറൂഫ് വാഗ്ദാനം ചെയ്യുന്നുള്ളൂ. സുരക്ഷയ്ക്കായി അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റം സ്യൂട്ടും 360 ഡിഗ്രി ക്യാമറയും ലഭിക്കാൻ സാധ്യതയുണ്ട്. സിറോസ് സബ്‌കോംപാക്റ്റ് എസ്‌യുവിയിൽ നിന്നുള്ള 30 ഇഞ്ച് ട്രിനിറ്റി പനോരമിക് ഡിസ്‌പ്ലേ പുതിയ കിയ കാരെൻസിൽ ഉൾപ്പെടുമെന്ന് പ്രതീക്ഷിക്കുന്നു. ഈ സജ്ജീകരണത്തിൽ 12.3 ഇഞ്ച് എച്ച്ഡി ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, 12 ഇഞ്ച് എൽസിഡി ഇൻസ്ട്രുമെന്റ് ക്ലസ്റ്റർ, ഡ്യുവൽ ഓട്ടോമാറ്റിക് എസി നിയന്ത്രണത്തിനായി 5 ഇഞ്ച് സ്‌ക്രീൻ എന്നിങ്ങനെ മൂന്ന് ഡിസ്‌പ്ലേകൾ ഉൾപ്പെടുന്നു.
പുതിയ കാരൻസിലെ എഞ്ചിൻ-ഗിയർബോക്‌സ് കോമ്പിനേഷനുകൾ നിലവിലെ മോഡലിലേതുതന്നെ തുടരാൻ സാധ്യതയുണ്ട്. പുതിയ 2025 കിയ കാരെൻസ് ഫെയ്‌സ്‌ലിഫ്റ്റ് 1.5L നാച്ചുറലി ആസ്പിറേറ്റഡ് പെട്രോൾ (115PS/144Nm), 1.5L ടർബോ പെട്രോൾ (160PS/253Nm), 1.5L ഡീസൽ (116PS/250Nm) എഞ്ചിൻ ഓപ്ഷനുകളോടെയാണ് വരുന്നത്. 6-സ്പീഡ് ഗിയർബോക്‌സ് സ്റ്റാൻഡേർഡായി ലഭിക്കും. അതേസമയം 1.5L ടർബോ പെട്രോൾ, ഡീസൽ വേരിയന്റുകൾക്ക് യഥാക്രമം 7-സ്പീഡ് DCT ഓട്ടോമാറ്റിക്, 6-സ്പീഡ് ഓട്ടോമാറ്റിക് ട്രാൻസ്മിഷൻ എന്നിവ നൽകും.
നിലവിൽ കിയ കാരെൻസ് അതിന്റെ സെഗ്‌മെന്റിലെ ഏറ്റവും മികച്ച ഓഫറുകളിൽ ഒന്നാണ്. 2022 ഫെബ്രുവരിയിൽ പുറത്തിറങ്ങിയതിനുശേഷം ആഭ്യന്തര വിപണിയിൽ 200,000 വിൽപ്പന നാഴികക്കല്ല് വാഹനം പിന്നിട്ടിരുന്നു. കോം‌പാക്റ്റ് എംപിവി വിപണിയിൽ എത്തിയതിന്റെ 16 മാസത്തിനുള്ളിൽ ആദ്യത്തെ 100,000 യൂണിറ്റ് ലവിൽപ്പനയും 14 മാസത്തിനുള്ളിൽ അടുത്ത 100,000 യൂണിറ്റുകളുടെ വിൽപ്പനയും കാരൻസ് സ്വന്തമാക്കിയിരുന്നു.
content highlight :new-kia-carens-will-launch-with-panoramic-sunroof-and-adas-sute
