ഒരു കിടിലൻ കുരുമുളക് ചമ്മന്തി തയ്യാറാക്കിയാലോ?

പലതരം ചമ്മന്തികൾ തയ്യാറാക്കിനോക്കിയിട്ടുണ്ടാകും, എങ്കിൽ ഈ ഒരു ചമ്മന്തി നിങ്ങൾ ആദ്യമായിട്ടാകും തയ്യാറാക്കുന്നത്. കിടിലൻ സ്വാദിൽ തയ്യാറാക്കാവുന്ന കുരുമുളക് ചമ്മന്തിയുടെ റെസിപ്പി നോക്കിയാലോ?

ആവശ്യമായ ചേരുവകൾ

• തേങ്ങ ചിരകിയത്- ഒരു കപ്പ്
• പച്ച കുരുമുളക്- രണ്ട് തിരി
• ജാതിപത്രി- ഒരു ചെറിയ കഷ്ണം
• ഇഞ്ചി- ഒരു ചെറിയ കഷ്ണം
• ചെറിയുള്ളി- ആറ് എണ്ണം
• വെളുത്തുള്ളി- മൂന്ന് അല്ലി
• ചെറു നാരകത്തിന്റെ ഇല- ഒന്ന്
• കറിവേപ്പില- ഒരു തണ്ട്
• വാളൻ പുളി- ആവശ്യത്തിന്
• ഉപ്പ്- ആവശ്യത്തിന്

തയ്യാറാക്കുന്ന വിധം

മുകളിൽ പറഞ്ഞ ചേരുവകൾ എല്ലാം ചേർത്ത് വെള്ളം ചേർത്ത് അരച്ചെടുക്കാം. മിക്സിയിൽ ആണ് അരയ്ക്കുന്നതെങ്കിൽ അടർത്തിയ കുരുമുളകും, ഇഞ്ചിയും, ജാതിപത്രിയും, ഇലകളും നന്നായൊന്ന് അരച്ചതിലേക്ക് മറ്റു ചേരുവകൾ ചേർത്ത് അരയ്ക്കുന്നതായിരിക്കും ഉത്തമം.