അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അപ്പത്തിനും പുട്ടിനുമെല്ലാം ഒപ്പം കഴിക്കാൻ കടലക്കറി ഇനി ഇതുപോലെ തയ്യാറാക്കിക്കോളു. കിടിലൻ സ്വാദിൽ കടലക്കറി എങ്ങനെ തയ്യാറാക്കാമെന്ന് നോക്കാം.
ആവശ്യമായ ചേരുവകൾ
- കടല – 1 കപ്പ്
- തേങ്ങാ പാൽ -1 കപ്പ്
- പച്ചമുളക് -3 എണ്ണം
- തക്കാളി -2 എണ്ണം
- സവാള -1 കപ്പ്
- ഇഞ്ചി -2 സ്പൂൺ
- വെളുത്തുള്ളി -2 സ്പൂൺ
- മുളക് പൊടി -2 സ്പൂൺ
- മഞ്ഞൾ പൊടി -1/2 സ്പൂൺ
- മല്ലി പൊടി -2 സ്പൂൺ
- ഗരം മസാല -1 സ്പൂൺ
- കടുക് -1 സ്പൂൺ
- ഉപ്പ് – ആവശ്യത്തിന്
- ചുവന്ന മുളക് -2 എണ്ണം
- കറി വേപ്പില -2 തണ്ട്
തയ്യാറാക്കുന്ന വിധം
കടല കുക്കറിലേക്ക് ആവശ്യത്തിന് വെള്ളം ഒഴിച്ച് മഞ്ഞൾപ്പൊടിയും ഉപ്പും ചേർത്ത് വേവിക്കുക. ഒരു പാൻ വച്ച് ചൂടാകുമ്പോൾ അതിലേക്ക് ആവശ്യത്തിന് എണ്ണയും കുറച്ചു വെളുത്തുള്ളിയും, ഇഞ്ചിയും, പച്ചമുളകും, ചേർക്കുക. അതിലേക്ക് സവാള അരിഞ്ഞതും ഉപ്പും ചേർത്ത് നല്ലപോലെ വഴറ്റിയെടുക്കുക. വഴറ്റിയതിലേക്ക് ആവശ്യത്തിന് മഞ്ഞൾപ്പൊടിയും, മുളകുപൊടിയും, മല്ലിപ്പൊടിയും, ഗരം മസാലയും ചേർക്കുക. അതിനുശേഷം വേവിച്ച കടല, ഉപ്പ്, തക്കാളി ചെറുതായി അരിഞ്ഞത് എന്നിവ ചേർത്ത് അടച്ചുവെച്ച് വേവിച്ച് നല്ലപോലെ കുറുകി കഴിയുമ്പോൾ ഇതിലേക്ക് നല്ല കുറുകിയ തേങ്ങാപ്പാലും കൂടി ചേർത്തു കൊടുക്കുക.
