അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വൈകീട്ട് ചായക്കൊപ്പം കഴിക്കാൻ ഒരു കിടിലൻ സ്നാക്ക്സ് തയ്യാറാക്കിയാലോ? രുചികരമായി എളുപ്പത്തിൽ തയ്യാറാക്കാവുന്ന ഫിഷ് കട്‌ലറ്റ് റെസിപ്പി നോക്കാം.
ആവശ്യമായ ചേരുവകൾ
- ട്യൂണ(വേവിച്ചത്) (വേറെ മീനും എടുക്കാവുന്നതാണ്) – 200ഗ്രാം
- സവാള – 2 എണ്ണം
- മുട്ട – 2
- ഇഞ്ചി അരിഞ്ഞത് – 1 ടേബിള്‍സ്പൂണ്‍
- വെളുത്തുള്ളി അരിഞ്ഞത് – 1 ടേബിള്‍സ്പൂണ്‍
- പച്ചമുളക് അരിഞ്ഞത് – 3 എണ്ണം
- ഉരുളക്കിഴങ്ങ് – 1 വലുത്
- മല്ലിയില അരിഞ്ഞത് – 1/4 കപ്പ്
- ബ്രെഡ് പൊടിച്ചത് – 2 കപ്പ്
- കുരുമുളക് പൊടി – 1 ടീസ്പൂണ്‍
- മഞ്ഞള്‍പ്പൊടി – 1/4 ടീസ്പൂണ്‍
- പെരുംജീരകം പൊടി – 1 ടീസ്പൂണ്‍
- ഉപ്പ് – പാകത്തിന്
- എണ്ണ -ആവശ്യത്തിന്
തയ്യാറാക്കുന്ന വിധം
ഒരു പാന്‍ ചൂടാക്കി ഇതിലേക്ക് ചെറുതായി അരിഞ്ഞ സവാള, വെളുത്തുള്ളി, പച്ചമുളക്, ഇഞ്ചി, എന്നിവ വഴറ്റുക. ഇതിലേക്ക് മഞ്ഞള്‍പ്പൊടി, കുരുമുളക് പൊടി, പെരും ജീരകപ്പൊടി എന്നിവ ചേര്‍ത്ത് മൂപ്പിക്കണം. അതിലേക്ക് വേവിച്ച മീന്‍ ചേര്‍ത്ത് 1 മിനുട്ട് വഴറ്റുക. ഉരുളിക്കുഴങ്ങ് പുഴുങ്ങി ഉടച്ചത്, ഉപ്പ്, അരിഞ്ഞ മല്ലിയില എന്നിവ കൂടി ചേര്‍ത്ത് മിക്സ് ചെയ്യണം. മസാലക്കൂട്ട് ചൂടാറിയ ശേഷം അതില്‍ നിന്നും ഓരോ ഉരുള എടുത്ത് ഇഷ്ടമുള്ള ആകൃതിയില്‍ ആക്കിയ ശേഷം മുട്ടയില്‍ മുക്കി ബ്രഡ് പൊടിയില്‍ പൊതിഞ്ഞു ചൂടായ എണ്ണയില്‍ വറുത്തെടുക്കുക.
