കുട്ടികൾക്കും മുതിർന്നവർക്കും ഒരുപോലെ ഇഷ്ടമാകുന്ന ഒരു സ്നാക്ക് ആണ് പഫ്സ്. പലരും പഫ്സ് വീട്ടിൽ തയ്യാറാക്കാറില്ല, ഇന്ന് നമുക്ക് ഒരു പഫ്സ് റെസിപ്പി നോക്കിയാലോ? വളരെ എളുപ്പത്തിൽ രുചികരമായി തയ്യാറാക്കാവുന്ന പഫ്സിന്റെ റെസിപ്പി നോക്കാം.
ആവശ്യമായ ചേരുവകൾ
തയ്യാറാക്കുന്ന വിധം
ആദ്യം തന്നെ ഓവൻ 200C / 400F വരെ ചൂടാക്കുക. പുഴുങ്ങിയ മുട്ടകൾ തോട് കളഞ്ഞ് പകുതിയായി മുറിച്ച് മാറ്റിവെക്കുക. മുട്ട മസാല തയ്യാറാക്കാൻ, ഇടത്തരം ചൂടിൽ ഒരു വലിയ ചട്ടിയെടുത്ത എണ്ണ ചൂടാക്കുക. ചോടായ എണ്ണയിലേക്ക് ഉള്ളി ചേർത്തിളക്കുക, 2-3 മിനിറ്റ് അല്ലെങ്കിൽ ഇളം ബ്രൗൺ നിറമാകുന്നത് വരെ ഉള്ളി വഴറ്റുക. ഇതിലേക്ക് ഇഞ്ചി, വെളുത്തുള്ളി, പച്ചമുളക് എന്നിവ ചേർക്കുക. ഇതിന്റെ പച്ചമണം മാറുന്നതുവരെ 2-3 മിനിറ്റ് വഴറ്റുക. ശേഷം മഞ്ഞൾ, മല്ലിയില, ഗരം മസാല, ചുവന്ന മുളകുപൊടി എന്നിവ ചേർക്കുക. ഒരു മിനിറ്റ് വഴറ്റുക. മാറ്റിവെക്കുക.
അടുത്ത സ്റ്റെപ്പായി ഒരു ബൗളെടുത്ത് അതിലേക്ക് ഒരു മുട്ടയും കുറച്ച് പാലും ചേർത്ത് അടിച്ച് വെക്കുക. ഇനി പഫ്സ് ബാക്ക് ചെയ്യുന്നതിനായി ഒരു വലിയ ബേക്കിംഗ് ട്രേ ഗ്രീസ് ചെയ്ത് നിരത്തുക. അതിലേക്ക് മാവ് വിതറി പേസ്ട്രി ഷീറ്റ് വയ്ക്കുക. ഓരോ പേസ്ട്രി ഷീറ്റും 6 ദീർഘചതുരങ്ങളായി മുറിക്കുക. ഓരോ ദീർഘചതുരത്തിലും ഒരു ടേബിൾ സ്പൂൺ മസാലയും ഒരു മുട്ടയുടെ പകുതിയും വയ്ക്കുക. മുട്ടയും പാലും മിക്സ് ചെയ്തത് ഓരോ ഷീറ്റിന്റെയും ദീർഘചതുരത്തിൻ്റെയും അറ്റത്ത് ബ്രഷ് ചെയ്യുക.
നാല് വശത്തുനിന്നും ഷീറ്റ് മടക്കിയെടുത്ത ഒട്ടിക്കുക. ബേക്കിംഗ് ട്രേയിൽ പഫ്സ് ക്രമീകരിക്കുക. 20-25 മിനിറ്റ് അല്ലെങ്കിൽ ബ്രൗൺ നിറമാകുന്നതുവരെ ഓവനിൽ വെച്ച് ബാക്ക് ചെയ്യുക. ആവശ്യമെങ്കിൽ സ്വാദിഷ്ടമായ മുട്ട പഫ്സ് ടൊമാറ്റോ കെച്ചപ്പിനൊപ്പം വിളമ്പുക.