അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.എന്നും ഒരുപോലെയാണോ ഓട്സ് കഴിക്കുന്നത്? ഇന്ന് അല്പം വ്യത്യസ്തമായി ഒരു പുട്ട് തയ്യാറാക്കിയാലോ? രുചികരമായ ഓട്സ് പുട്ടിന്റെ റെസിപ്പി നോക്കിയാലോ?
ആവശ്യമായ ചേരുവകൾ
- ഓട്സ്- 2 കപ്പ്
- തേങ്ങ ചിരകിയത്- ആവശ്യത്തിന്
- വെള്ളം- ആവശ്യത്തിന്
- ഉപ്പ്- ആവശ്യത്തിന്
തയ്യാറാക്കുന്ന വിധം
ആദ്യമായി ഒരു പാൻ അടുപ്പത്ത് വെച്ച് ഓട്സ് വറുത്തെടുക്കുക. ഇത് ആറിക്കഴിഞ്ഞ് തരുതരുപ്പായി പൊടിച്ചെടുക്കണം. ഇനി ഇതിലേക്ക് ആവശ്യത്തിന് വെള്ളവും ഉപ്പും ചേർത്ത് നന്നായി ഇളക്കി ഒരു പത്ത് മിനുട്ട് അടച്ചുവെക്കുക. ഇനി പുട്ടുകുടത്തിൽ വെള്ളം തിളപ്പിക്കുക. ശേഷം ചില്ലിട്ട ശേഷം കുറച്ചു തേങ്ങ ചിരകിയതിടുക. അതിന് മുകളിലേക്ക് ഓട്സിട്ട ശേഷം വീണ്ടും തേങ്ങാ ചിരകിയെത്തിടുക. ഇത് 7 -8 മിനുട്ടോളം വേവിക്കണം. ഇനി പുട്ട് മറ്റൊരു പാത്രത്തിലേക്ക് മാറ്റാം. ഇത് ചൂട് കടലക്കറിയോ, ചിക്കൻ കറിയോ കൂട്ടി കഴിക്കാം.
