പുതിന കൊണ്ട് രുചികരമായ ചട്ണി തയാറാക്കാം

ആരോഗ്യഗുണങ്ങൾ ഏറെയുള്ള പുതിന രക്തത്തിലെ വിഷവസ്തുക്കൾ നീക്കി രക്തം ശുദ്ധിയാക്കാനും ദഹനശക്തി വർധിപ്പിക്കാനും സഹായിക്കുന്നു .ദോശക്കും ഇഡ്‍ഡലിക്കും ഒപ്പം കഴിക്കാൻ പുതിന കൊണ്ട് രുചികരമായ ചട്ണി തയാറാക്കാം.

ചേരുവകൾ 

തേങ്ങ– 1 മുറി ചിരവിയത്

പുതിന– 3 കപ്പ്

മല്ലിയില– പുതിനയുടെ മൂന്നിലൊന്ന്

കറിവേപ്പില– 1 തണ്ട്

ഇഞ്ചി– 1 ചെറിയ കഷ്ണം

പച്ചമുളക്– 2 എണ്ണം

ഉഴുന്ന് പരിപ്പ് – 2 ടേബിൾസ്പൂൺ

വെളിച്ചെണ്ണ – 2 ടേബിൾസ്പൂൺ

തയാറാക്കുന്ന വിധം 

തേങ്ങ ഒഴികെ ബാക്കി എല്ലാ ചേരുവകളും കൂടെ വെളിച്ചെണ്ണയിൽ വഴറ്റി, ചൂടാറുമ്പോൾ തേങ്ങയും, ആവശ്യത്തിനു ഉപ്പും  ചേർത്തു അരച്ചെടുക്കാം. ഇതിലേക്ക് കടുക് താളിച്ചു ഇട്ടാൽ പുതിന ചട്ണി റെഡി.

content highlight : pudina-chutney-recipe