എളുപ്പത്തിലുണ്ടാക്കാം രുചിയൂറും ക്യാരറ്റ് ഷേക്ക്

കാരറ്റ് കൊണ്ടൊരു ഷേക്ക് ആകട്ടെ ഇത്തവണ. വളരെ കുറച്ച് ചേരുവകൾ കൊണ്ട് എളുപ്പം തയ്യാറാക്കാവുന്ന ഒരു ഹെൽത്തി ഷേക്കാണിത്.

ആവശ്യമായ സാധനങ്ങള്‍ ഓവൻ

വേവിച്ച കാരറ്റ് 2 എണ്ണം
പഞ്ചസാര 2 ടേബിൾ സ്പൂൺ
തണുത്ത പാൽ 1 കപ്പ്
ഏലയ്ക്ക 1 എണ്ണം
ഐസ്ക്രീം 2 സ്കൂപ്പ്

തയാറാക്കുന്ന വിധം

ആദ്യം വേവിച്ച കാരറ്റും പഞ്ചസാരയും ഏലയ്ക്കയും ഒന്നിച്ചുചേർത്ത്‌ നന്നായി പേസ്റ്റ് പരുവത്തിൽ അരച്ചെടുക്കുക. ശേഷം അതിലേക്ക് തണുത്ത പാലും ഐസ്ക്രീമും ചേർത്ത് വീണ്ടും അടിച്ചെടുക്കുക. ശേഷം ​ഗ്ലാസിലേക്ക് ഒഴിച്ച് പിസ്ത,ബദാം എന്നിവ പൊടിച്ചത് ചേർത്ത് അലങ്കരിക്കുക. കണ്ടാൽത്തന്നെ നിങ്ങൾക്കിത് ഇഷ്ടമാകും, അപ്പൊ കുടിച്ചു കഴിഞ്ഞുള്ള കാര്യം പറയണ്ടല്ലോ.