ബീഫ് – 600 ഗ്രാം
ഇഞ്ചി – 2 സ്പൂൺ
വെളുത്തുള്ളി – 2 സ്പൂൺ
ചെറിയ ഉള്ളി- 250 ഗ്രാം
കറിവേപ്പില- 3 തണ്ട്
പെരുംജീരകം പൊടി- 1 സ്പൂൺ
അരിപ്പൊടി – 3 സ്പൂൺ
മഞ്ഞൾ പൊടി- 1 സ്പൂൺ
വെളിച്ചെണ്ണ- ആവശ്യത്തിന്
വെള്ളം- 1 ഗ്ലാസ്സ്
മുളക് പൊടി – 3 സ്പൂൺ
ഗരംമസാല- 2 സ്പൂൺ
മല്ലിപൊടി- 1 സ്പൂൺ
ചുവന്ന മുളക് – 5 എണ്ണം
നാരങ്ങാ നീര്- 2 സ്പൂൺ
കോൺ ഫ്ളോർ- 2 സ്പൂൺ
തേങ്ങാക്കൊത്ത് -ആവശ്യത്തിന്
ആദ്യം ബീഫ് കഴുകി വൃത്തിയാക്കി കഷ്ണങ്ങളാക്കുക.അതിലേക്ക് മഞ്ഞൾപ്പൊടി, മുളകുപൊടി, ഗരം മസാല, നാരങ്ങാ നീര് ,ആവശ്യത്തിന് ഉപ്പ് എന്നിവയിട്ട് വെളിച്ചെണ്ണ ഒഴിച്ച് നന്നായി മിക്സ് ചെയ്യുക. ഇത് കുക്കറിലാക്കി കുറച്ചു വെള്ളവും ചേർത്ത് നന്നായിട്ട് വേവിച്ച് എടുക്കണം.
ശേഷം ഇഞ്ചി, വെളുത്തുള്ളി, ചുവന്ന മുളക്, കറിവേപ്പില, പച്ചമുളക് എന്നിവ നന്നായിട്ട് ചതച്ചെടുക്കണം. വേവിച്ച് വെച്ചിട്ടുള്ള ബീഫിലേക്ക് ഇത് ചേർത്ത് നന്നായി യോജിപ്പിച്ചെടുക്കുക.പെരുംജീരകപ്പൊടിയും, അരിപ്പൊടിയും, കോൺഫ്ളവറും ചേർത്ത് നന്നായിട്ട് മിക്സ് ചെയ്തെടുക്കുക. അതിനുശേഷം ഒരു കടായി വെച്ച് ചൂടാകുമ്പോൾ അതിലേക്ക് ആവശ്യത്തിന് എണ്ണ ഒഴിച്ച് ബീഫ് അതിലേക്ക് ചേർത്തു കൊടുത്തശേഷം ചെറിയ തീയിൽ അത് നന്നായിട്ട് വറുത്തെടുക്കാം.
ഈ എണ്ണയിൽ തന്നെ തേങ്ങാക്കൊത്ത് മൂപ്പിച്ചെടുക്കാം. ശേഷം ചെറിയ ഉള്ളി ചെറുതായി അരിഞ്ഞതും ചുവന്ന മുളകും വെളുത്തുള്ളി ചെറുതായിട്ട് അരിഞ്ഞത് കറിവേപ്പിലയും ചേർത്ത് നന്നായിട്ട് വഴറ്റിയെടുത്ത് അതിലേക്ക് ബീഫ് കൂടി ചേർത്ത് കൊടുക്കാം. നന്നായി ഇളക്കി ഡ്രൈ ആക്കിയെടുക്കാം.