അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അപ്പത്തിനും ചപ്പാത്തിക്കുമെല്ലാം ഒപ്പം കഴിക്കാൻ കിടിലൻ സ്വാദിലൊരു കറി ഉണ്ടാക്കിയാലോ? നോൺവെജ് സ്വാദിൽ ഒരു വെജ് കറി. രുചികരമായ സോയാചങ്ക്സ് കറി തയ്യാറാക്കുന്നത് എങ്ങനെയെന്ന് നോക്കിയാലോ?
ആവശ്യമായ ചേരുവകൾ
- സോയാ ചങ്ക്സ്- ഒന്നേകാൽ കപ്പ്
- സവാള – 2 എണ്ണം
- ജീരകം- അര ടീസ്പൂൺ
- കറിവേപ്പില- ഒരുതണ്ട്
- കടുക്- ആവശ്യത്തിന്
- മുളകുപൊടി- 1 ടീസ്പൂൺ
- ഗരംമസാല- 1 ടീസ്പൂൺ
- മല്ലിപ്പൊടി- അരടീസ്പൂൺ
- പച്ചമുളക്- 1
- ഇഞ്ചി വെളുത്തുള്ളി പേസ്റ്റ്- 1 ടീസ്പൂൺ
- മല്ലിയില- 2 ടേബിൾ സ്പൂൺ
- എണ്ണ- ഒന്നര ടേബിൾ സ്പൂൺ
- ഉപ്പ്- ആവശ്യത്തിന്
- അരപ്പിന് ആവശ്യമായ ചേരുവ
- തക്കാളി- രണ്ട് എണ്ണം
- തേങ്ങ- 3 ടേബിൾ സ്പൂൺ
തയ്യാറാക്കുന്ന വിധം
ആദ്യം മൂന്നുകപ്പ് വെള്ളം നന്നായി തിളപ്പിക്കുക. സ്റ്റൗ ഓഫ് ചെയ്ത ശേഷം സോയാ ചങ്ക്സ് ചേർത്ത് അടച്ച് വെച്ച് വേവിക്കുക. അതിന് ശേഷം വെള്ളം നീക്കി സോയ പിഴിഞ്ഞുമാറ്റിവറ്റിക്കുക. വലിയ സോയാ ചങ്ക്സ് ആണ് ഉപയോഗിക്കുന്നതെങ്കിൽ രണ്ടു കഷ്ണങ്ങളാക്കി മുറിക്കിച്ചെടുക്കാം.
ഇനി തക്കാളിയും തേങ്ങയും ഒന്നിച്ചരച്ച് വേവിച്ചെടുക്കുക. പാനിൽ എണ്ണയൊഴിച്ച് കടുകും ജീരകവും പൊട്ടിച്ചെടുക്കുക. കടുക്കും ജീരകവും പൊട്ടിയ ശേഷം കറിവേപ്പിലയും സവോളയും പച്ചമുളകും ചേർത്ത് നന്നായി വഴറ്റിയെടുക്കുക. ഉള്ളി നന്നായി വഴന്നുവരുമ്പോൾ അതിലേക്ക് ഇഞ്ചി-വെളുത്തുള്ളി പേസ്റ്റ് ചേർത്ത് വഴറ്റുക.
ശേഷം അതിലേക്ക് അരപ്പ് ചേർത്ത് അൽപം വേവിക്കുക. ഇതിലേക്ക് മുളകുപൊടി, ഗരംമസാല, മല്ലിപ്പൊടി, ഉപ്പ് എന്നിവ ചേർത്ത് മൂന്നുമിനിറ്റ് വേവിക്കുക. ശേഷം സോയാചങ്ക്സ് ചേർത്ത് വീണ്ടും മൂന്നുമിനിറ്റ് ഇളക്കി വേവിച്ചെടുക്കുക. അൽപം വെള്ളം ചേർത്ത് തിളപ്പിച്ച് ഗ്രേവി കുറുകുംവരെ വേവിക്കാം. സോയ മസാല റെഡി.
