അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചോറിനും കഞ്ഞിക്കുമെല്ലാം ഒപ്പം കഴിക്കാൻ ഒരുഗ്രൻ വെളുത്തുള്ളി അച്ചാർ ഉണ്ടാക്കിയാലോ? റെസിപ്പി നോക്കാം.
ആവശ്യമായ ചേരുവകൾ
- വെളുത്തുള്ളി – 250 ഗ്രാം
- പച്ചമുളക് – 3 എണ്ണം അരിഞ്ഞത്
- ഇഞ്ചി- ഒരു ചെറിയ കഷ്ണം അരിഞ്ഞത്
- വെളുത്തുള്ളി ചെറുതായി – 8 എണ്ണം അരിഞ്ഞത്
- മുളകുപൊടി- 3 ടേബിൾസ്പൂൺ
- കായപ്പൊടി- 1 ടീസ്പൂൺ
- മഞ്ഞൾപ്പൊടി – 1/4 ടീസ്പൂൺ
- ഉലുവാപ്പൊടി- 1//4 ടീസ്പൂൺ
- ശർക്കര പൊടിച്ചത്- 1 ടീസ്പൂൺ
- കറിവേപ്പില- ആവശ്യത്തിന്
തയാറാക്കുന്ന വിധം
ആദ്യമായി ഒരു ഫ്രൈയിങ് പാൻ അടുപ്പിൽ വച്ച് എണ്ണയൊഴിക്കുക. ശേഷം കടുകിട്ടു പൊട്ടിക്കുക.ഇനി ഇതിലേക്ക് അരിഞ്ഞുവച്ചിരിക്കുന്ന ഇഞ്ചി, വെളുത്തുള്ളി, പച്ചമുളക്, കറിവേപ്പില എന്നിവ ചേർക്കാം.ഇത് വഴന്നു വരുമ്പോൾ വെളുത്തുള്ളി ചേർത്ത് 2 മിനിറ്റ് ഇളക്കണം. തുടർന്ന് മുളകുപൊടി, കായപ്പൊടി, മഞ്ഞൾപ്പൊടി, ഉലുവാപ്പൊടി എന്നിവ ചേർത്ത് പൊടിയുടെ പച്ച മണം മാറി വരും വരെ നന്നായി ഇളക്കിക്കൊടുക്കുക.
ഇനി പച്ച മണം മാറി വരുമ്പോൾ പുളി പിഴിഞ്ഞതും ആവശ്യത്തിന് ഉപ്പും ഒരു ടീസ്പൂൺ ശർക്കര പൊടിച്ചതും ചേർത്ത് കൊടുക്കണം.ഇതിലേക്ക് ഇനി അൽപ്പം തിളപ്പിച്ച വെള്ളം ഒഴിക്കാം. ഇത് ചെറിയ രീതിയിൽ വെന്തുവരുമ്പോൾ അടുപ്പിൽ നിന്ന് വാങ്ങിവെക്കാം.ഇതോടെ സ്വാദേറും വെളുത്തുള്ളി അച്ചാർ റെഡി.
