കാരറ്റും പാവയ്ക്കയും ചേർത്തുള്ള രുചികരമായ തോരൻ തയ്യാറാക്കുന്ന വിധം കാണാം.
ചേരുവകൾ
പാവയ്ക്ക
കാരറ്റ്
സവാള
പച്ചമുളക്
മഞ്ഞൾപ്പൊടി
ഉപ്പ്
തേങ്ങ
കടുക്
ഉഴുന്നു പരിപ്പ്
കറിവേപ്പില
വറ്റൽമുളക്
വെളിച്ചെണ്ണ
തയ്യാറാക്കുന്ന വിധം
ഇടത്തരം വലിപ്പമുള്ള രണ്ട് പാവയ്ക്കയും, തൊലി കളഞ്ഞ മൂന്ന് കാരറ്റും ചെറുതായി അരിഞ്ഞ് ഒരു ബൗളിലേയ്ക്കെടുക്കുക.
ഇതിലേയ്ക്ക് ഒരു സവാള ചെറുതായി അരിഞ്ഞതും നാലോ അഞ്ചോ പച്ചമുളക് ചെറുതായി അരിഞ്ഞതും ചേർത്തിളക്കുക.
അര ടീസ്പൂൺ മഞ്ഞൾപ്പൊടി, ആവശ്യത്തിന് ഉപ്പ് എന്നി ഇതിലേയ്ക്കു ചേർത്തിളക്കുക.
ഒരു പാൻ അടുപ്പിൽ വെച്ച് ആവശ്യത്തിന് എണ്ണയൊഴിച്ചു ചൂടാക്കി ഒരു ടീസ്പൂൺ കടുക് പൊട്ടിക്കുക.
ഇതിലേയ്ക്ക് അര ടീസ്പൂൺ ഉഴുന്നു പരിപ്പ് ചേർത്ത് വറുക്കുക.
രണ്ടോ മൂന്നോ വറ്റൽ മുളക്, കറിവേപ്പില എന്നിവ ചേർത്ത് വഴറ്റുക.
കാരറ്റും പാവക്കയും തയ്യാറാക്കി വെച്ചിരിക്കുന്നത് ഇതിലേയ്ക്ക് ചേർത്തിളക്കുക.
ഇടത്തരം തീയിൽ അടച്ചുവെച്ച് പത്തോ പതിനഞ്ചോ മിനിറ്റ് വേവിക്കുക.
ഇടയ്ക്ക് ഇളക്കി കൊടുക്കാൻ മറക്കേണ്ട. പാവയ്ക്ക കാരറ്റ് തോരൻ തയ്യാർ.
content highlight: bitter-gourd-carrot-thoran-recipe