അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നന്നായി വൃത്തിയാക്കിയ ഉരുളക്കിഴങ്ങു തൊലികളഞ്ഞ് ഒരേ വീതിയിലും നീളത്തിലും അരിഞ്ഞെടുത്ത് എരിവിനനുസരിച്ച് മുളകുപൊടിയോ, കുരുമുളകോ ചേർത്ത് അൽപ്പം ഉപ്പ് കൂടി ഇളക്കി ചേർത്താണു ഫ്രഞ്ച് ഫ്രൈ ഉണ്ടാക്കുന്നത്. അതിലേയ്ക്ക് ചിക്കനോ ബീഫോ കൂടി ചേർത്ത് വൈറ്റ് സോസ് ഒഴിച്ചാൽ രുചികരമായ ചീസ് ലോഡഡ് ഫ്രഞ്ച് ഫ്രൈസ് തയ്യാർ.
ചേരുവകൾ
ചിക്കൻ
ഉപ്പ്
മുളകുപൊടി
മഞ്ഞൾപ്പൊടി
ഇഞ്ചി
വെളുത്തുള്ളി
കറിവേപ്പില
മുട്ട
കോൺഫ്ലോർ
കുരുമുളകുപൊടി
വെണ്ണ
എണ്ണ
മൈദ
ചീസ്
ഉരുളക്കിഴങ്ങ്
തയ്യാറാക്കുന്ന വിധം
നന്നായി കഴുകി വൃത്തിയാക്കിയ ചിക്കൻ ചെറിയ കഷ്ണങ്ങളാക്കി മുറിക്കുക.
ഇതിലേയ്ക്ക് ആവശ്യത്തിന് ഉപ്പ്, മുളകുപൊടി, മഞ്ഞൾപ്പൊടി, ഇഞ്ചിയും വെളുത്തുള്ളിയും അരച്ചത്, അൽപ്പം കറിവേപ്പില എന്നിവ ചേർത്തിളക്കുക.
ഒരു കോഴിമുട്ട ഇതിലേയ്ക്കു പൊട്ടിച്ചൊഴിക്കുക, അൽപ്പം കോൺഫ്ലോറും കുരുമുളകുപൊടിയും ചേർത്തിളക്കി കുറച്ചു സമയം മാറ്റി വെയ്ക്കുക.
ഒരു പാൻ അടുപ്പിൽ വെച്ച് എണ്ണയൊഴിച്ചു ചൂടാക്കി മാറ്റി വെച്ച ചിക്കൻ കഷ്ണങ്ങൾ വറുത്തെടുക്കുക.
മറ്റൊരു പാൻ അടുപ്പിൽ വെച്ച് അൽപ്പം വെണ്ണ ചേർത്ത് ഉരുക്കിയെടുക്കുക.
ഇതിലേയ്ക്ക് കുറച്ചു മൈദ, ആവശ്യത്തിനു പാൽ എന്നിവ ചേർത്തിളക്കുക.
ശേഷം ഇതിലേയ്ക്ക് ചീസ്, ആവശ്യത്തിന് ഉപ്പ് എന്നിവ ചേർത്തിളക്കി സോസ് തയ്യാറാക്കുക.
ഉരുളക്കിഴങ്ങ് ഒരേ വണ്ണത്തിലും വീതിയിലും അരിഞ്ഞ് ഫ്രൈ ചെയ്തെടുത്തതിലേയ്ക്ക് വറുത്ത ചിക്കൻ ചെറിയ കഷ്ണങ്ങളാക്കി മുറിച്ചിട്ട് മുകളിലായി തയ്യാറാക്കിയ സോസ് ഒഴിച്ചിളക്കുക.
content highlight: cheese-loaded-french-fries-recipe
