വത്തിക്കാൻ സിറ്റി: ശ്വാസകോശ അണുബാധ മൂലം ആശുപത്രിയിൽ കഴിയുന്ന ഫ്രാൻസിസ് മാർപാപ്പ (88) സുഖംപ്രാപിക്കുന്നതായി വത്തിക്കാൻ അധികൃതർ അറിയിച്ചു. ഭക്ഷണം കഴിക്കുകയും രാത്രി സുഖമായി ഉറങ്ങുകയും ചെയ്തെന്നും വ്യക്തമാക്കി. ശനിയാഴ്ച 20 മിനിറ്റ് അദ്ദേഹം സ്വകാര്യ ചാപ്പലിൽ ചെലവഴിച്ചു. ആശുപത്രിയിൽ 17 ദിവസം പിന്നിടുന്ന മാർപാപ്പയെ ഇന്നലെ വത്തിക്കാൻ സെക്രട്ടറി ഓഫ് സ്റ്റേറ്റ് കർദിനാൾ പീയത്രോ പരോലിൻ, ചീഫ് ഓഫ് സ്റ്റേറ്റ് കർദിനാൾ പീയത്രോ പരോലിൻ, ചീഫ് ഓഫ് സ്റ്റാഫ് ആർച്ച്്ബിഷപ് എഡ്ഗാർ പെനിയ പാറാ എന്നിവർ സന്ദർശിച്ചു. ചികിത്സിക്കുന്ന ഡോക്ടർമാർക്കും ലോകമെങ്ങും മാർപാപ്പയ്ക്കായി പ്രാർഥിക്കുന്നവർക്കും വത്തിക്കാൻ നന്ദി അറിയിച്ചു. തുടർച്ചയായ മൂന്നാം ഞായറാഴ്ചയാണു മാർപാപ്പ വിശ്വാസികൾക്കുള്ള ദർശനം ഒഴിവാക്കുന്നത്.