അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇന്ത്യയിൽ 100 ദശലക്ഷത്തിലധികം ആളുകളാണ് പ്രമേഹത്തിനോട് മല്ലിട്ടു കൊണ്ടിരിക്കുന്നത്. പ്രമേഹം തുടക്കത്തിലെ ചില ലക്ഷണങ്ങൾ കാണിക്കുന്നുണ്ട്. എന്നാൽ അത് മനസ്സിലാകാത്തതാണ് പ്രധാന പ്രശ്നം. പതിവായി മൂത്രമൊഴിക്കുന്നതും അമിതമായ വിശപ്പും ദാഹവും മുറിവുകൾ പതുക്കെ ഉണങ്ങുന്നതും കാഴ്ചമങ്ങുന്നതും ഞരമ്പുകൾക്ക് ക്ഷതം ഏൽക്കുന്നതും ക്ഷീണവും ബലഹീനതയും എല്ലാം ഇതിന്റെ ആദ്യലക്ഷണങ്ങളാണ്. ഇതിനുപുറമേ പ്രമേഹം മൂലം ചർമ്മത്തിൽ ഉണ്ടാകുന്ന പല ലക്ഷണങ്ങളെക്കുറിച്ചും ആളുകൾക്ക് അറിവില്ല.
രക്തത്തിലെ പഞ്ചസാരയുടെ അളവ് കൂടുമ്പോള്‍ നിർജ്ജലീകരണത്തിന് കാരണമാകാം. ഇതുമൂലം ചര്‍മ്മം വരണ്ടതാകാം. ചര്‍മ്മത്തില്‍ ഇരുണ്ടതും കട്ടിയുള്ളതുമായ പാടുകള്‍ വരുന്നത് ചിലപ്പോള്‍ പ്രമേഹത്തിന്‍റെ ലക്ഷണമാകാം. കഴുത്ത്, കക്ഷം, ഞരമ്പ്, സ്തനങ്ങൾക്ക് താഴെ എന്നിങ്ങനെ ശരീരത്തിന്റെ മടക്കുകളിലും ചുളിവുകളിലും ഈ പാടുകൾ സാധാരണയായി പ്രത്യക്ഷപ്പെടുന്നു. പ്രമേഹമില്ലാത്ത വ്യക്തികളിലും ഇത് സംഭവിക്കാമെങ്കിലും, ഇത് പലപ്പോഴും ഇൻസുലിൻ പ്രതിരോധം, പ്രീ ഡയബറ്റിസ് എന്നിവയുമായി ബന്ധപ്പെട്ടിരിക്കുന്നു എന്നാണ് ആരോഗ്യ വിദഗ്ധര്‍ പറയുന്നത്.
ചർമ്മത്തിൽ കാണുന്ന ചെറുതും മഞ്ഞ-ചുവപ്പ് നിറത്തിലുള്ളതുമായ മുഴകൾ അല്ലെങ്കിൽ മുറിവുകളും പ്രമേഹം മൂലമാകാം. ഈ മുഴകൾ പലപ്പോഴും ചൊറിച്ചിൽ ഉണ്ടാകുകയും പെട്ടെന്ന് പ്രത്യക്ഷപ്പെടുകയും ചെയ്യുന്നു. ചർമ്മത്തിന് താഴെ, സാധാരണയായി കണ്ണുകൾക്ക് ചുറ്റുമുള്ള മഞ്ഞകലർന്ന കൊഴുപ്പും ചിലപ്പോള്‍ പ്രമേഹത്തിന്‍റെ ലക്ഷണമാകാം. പ്രമേഹമില്ലാത്തവരിലും മറ്റ് ചില കാരണങ്ങള്‍ കൊണ്ട് ഇത് സംഭവിക്കാം.കൈകൾ, കാലുകൾ എന്നിവടങ്ങില്‍ പ്രത്യക്ഷപ്പെടുന്ന കുമിളകളും ചിലപ്പോള്‍ പ്രമേഹം മൂലമാകാം.
പ്രമേഹമുള്ള ആളുകൾക്ക് ചർമ്മ അണുബാധകൾ ഉണ്ടാകാനുള്ള സാധ്യത കൂടുതലാണ്. രക്തത്തിലെ പഞ്ചസാരയുടെ അളവ് ഉയരുമ്പോള്‍ രോഗപ്രതിരോധ ശേഷിയെ ദുർബലപ്പെടുത്തുകയും അണുബാധകളെ ചെറുക്കാനുള്ള ശരീരത്തിന്റെ കഴിവിനെ ദുർബലപ്പെടുത്തുകയും ചെയ്യുന്നു എന്നും ആരോഗ്യ വിദഗ്ധര്‍ പറയുന്നു.
content highlight: symptoms-on-the-skin-can-help-identify-diabetes
